Read Lamkang Ппророк Језекиил 1 Bible Online

Ппророк Језекиил 1 - Lamkang bible

Ппророк Језекиил 1

¹Во триесеттата година, четвртиот месец, петтиот ден од месецот, кога бев меѓу преселените при реката Ховар, се отворија небесата — и јас видов Божји виденија.

²Во петтиот ден од месецот, а тоа е петтата година, откако беше заробен царот Јоаким,

³би слово Господово до свештеникот Језекиила, синот Вузиев, во земјата Халдејска при реката Ховар; и беше таму раката Господова врз него.

⁴И видов: ете, бурен ветар доаѓаше од север и голем облак во него, а околу оган сјаеше;

⁵среде него светлина од злато и сребро; во средината негова, пак, видов призраци на четири животни — по обликот свој слични на човек;

⁶секое од нив имаше по четири лица, и секое од нив — по четири крилја;

⁷а нозете нивни — прави нозе, со перја, а стапалата нивни како телешки копита, и болскаа како сјаен бакар; крилјата, пак, нивни беа лесни.

⁸А под крилјата нивни имаа човечки раце — на сите четири страни.

⁹Четирите животни имаа свои лица и крилја, крилјата нивни се допираа едно до друго, а кога одеа, тие не се свртуваа, туку врвеа секое во правец на лицето свое.

¹⁰Обликот на лицето нивно им беше како лице човечкио и лице лавовско од десната страна кај сите четири; а, пак, од левата страна — лице телешко при сите четири, и лице орловско кај сите четири животни.

¹¹И лицата нивни и крилјата нивни одозгора им без разделени, но при секое двете крилја се допираа едно до друго, а двете им ги покриваа телата нивни.

¹²И одеа тие, секое во правец на лицето свое; на каде што духот сакаше да оди, натаму и одеа тие; и кога одеа, не се свртуваа.

¹³Тие животни личеа на разгорени јаглени, на ламбади; огнот се движеше меѓу животните, и огнена светлина и светкавица излегуваше од огнот.

¹⁴Животните се движеа брзо натаму и наваму, како болскава молскавица.

¹⁵И кога ги гледав животните, ете, на земјата до тие животни имаше по едно тркало спрема четирите лица нивни.

¹⁶Тркалата и обликот нивни изгледаше нешто слично на топаз, и сите четири си личеа едно на друго; и по изгледот и по обликот тие беа како тркало во тркало.

¹⁷А кога одеа, се движеа во своите четири правци; кога се движеа не се свртуваа.

¹⁸А наплатите нивни беа високи и страшни; наплатите кај сите четири наоколу беа полни со очи.

¹⁹И кога одеа животните, се движеа и тркалата до нив; и кога животните се подигаа од земјата, се подигаа и тркалата.

²⁰Каде што духот сакаше да оди, натаму одеа и тие; накаде што духот ќе тргнеше, и тркалата се подигнуваа подеднакво со нив, бидејќи духот на животните беше во тркалата.

²¹Кога одеа животните, одеа и тркалата; и кога стоеја животните, стоеја и тркалата; и кога оние се подигаа од земјата, се подигаа еднакво и тркалата, зашто духот на животните беше во тркалата.

²²Над главите од животните имаше нешто слично на свод небески, како проѕирен кристал издигнат одозгора над нивните крилја.

²³А под сводот се наоѓаа раширени крилјата нивни, свртени едно спроти друго, додека другите две им ги покриваа телата нивни.

²⁴А кога летаа, слушав шум од крилјата нивни, нешто како шум од многу води, како глас од Сесилниот Бог, силен шум; а кога одеа — како шум од воен логор, кога, пак, застануваа, ги спуштаа крилјата свои.

²⁵И од сводот над главите нивни се слушаше шум; и кога запираа, ги спуштаа крилјата свои.

²⁶Над сводот над главите, пак, имаше нешто слично на престол, како да беше од каменот сапфир; а на престолот — одозгора нешто слично на човек.

²⁷И видов потоа нешто како светнато злато и сребро, а внатре во него наоколу оган — од бедрата угоре; а од бедрата удолу — видов слично на оган, околу кого имаше светлина.

²⁸Како што изгледа виножитото во облаци, во дождовен ден, таква беше таа светлина наоколу.