Read Lamkang Ппророк Језекиил 40 Bible Online

Ппророк Језекиил 40 - Lamkang bible

Ппророк Језекиил 40

¹Во дваесет и петтата година по нашето преселување, во почетокот на годината во десеттиот ден од месецот, во четиринаесеттата година по разурнувањето на градот, во овој ист ден беше раката Господова врз Мене и Он ме поведе таму.

²Во виденијата Божји ме заведе Он во земјата Израилева и ме постави на многу висока планина, и на неа од кај југ се гледаше нешто како изграден град.

³Ме поведе таму, и, ете, маж еден, кој изгледаше како светол бакар, а во неговата рака ленена врвка и трска за мерење, и тој стоеше пред портите.

⁴И ми рече тој маж: »Сине човечки, гледај со очите и слушај со ушите и сето ова земи го при срце, ова што ќе ти го покажам, бидејќи ти поради тоа и си доведен овде, за да ти го покажам тоа; за сѐ што ќе видиш, извести го домот Израилев.«

⁵И ете, имаше ѕид околу храмот, а во раката на тој човек трска за мерење од шест лакти, а лакот беше по лакот и дланка, и го измери тој храмот, една трска широчина и една трска височина.

⁶Потоа отиде кај портите, кои беа поставени спрема исток, се искачи по стапалата нивни и измери дека едниот праг од портата беше една трска широчина, а другиот праг пак една трска височина.

⁷И секоја околна соба беше по една трска долга и по една трска широка, а меѓу собите имаше пет лакти и прагот на портите во тремот зад портите беше пак една трска.

⁸Го измери тој тремот зад портите — пак една трска.

⁹А тремот пред портите — осум лакти, и столбовите два лакта. Тој трем пред портите беше отстрана на храмот.

¹⁰Собите од источната страна кај вратите беа три од едната страна и три од другата страна; една мерка имаа сите три и една мерка имаа столбовите од едната и од другата страна.

¹¹Ги измери тој отворите на вратите — тие беа по десет лакти широки, а должината нивна — тринаесет лакти.

¹²Пред собите имаше од едната и од другата страна ограда од по еден лакот. Тие соби од едната страна имаа шест лакти и од другата страна — шест лакти.

¹³Потоа ги измери тој вратите од стреата на едната соба до стреата на другата соба — дваесет и пет лакти широчина: врата спроти врата.

¹⁴А и столбовите ги измери тој: шеесет лакти, секој столб околу дворот и при вратите.

¹⁵И од предната страна на влезот во вратите до предната страна на внатрешната врата — педесет лакти.

¹⁶Решетчести прозорци имаше и во околните соби и при столбовите нивни однатре кај вратите наоколу; исто така и во тремовите наоколу имаше прозорци од внатрешната страна, а на столбовите — палми.

¹⁷И ме одведе тој во надворешниот двор, и, ете, таму — соби, имаше направен под од плочи околу дворот. Триесет соби имаше на тој плочник.

¹⁸И тој плочник беше од кај страните на вратите, според должината на вратите, малку понизок.

¹⁹И го измери тој по ширината од долните врати до надворешниот крај на внатрешноста во дворот: сто лакти — кон исток и кон север.

²⁰Ја измери исто така должината и ширината на вратите од надворешниот двор, свртени спрема север;

²¹и при нив околните соби, три од едната страна и три од другата; и столбовите нивни и продолженијата нивни имаа иста мерка како и првите врати — долги по педесет лакти, а широки по дваесет и пет лакти.

²²И прозорците нивни и продолженијата нивни и палмите нивни имаа иста мерка, како и вратите, свртени спрема исток; а се влегуваше во нив по седум степеника и пред нив имаше уште и продолженија.

²³И во внатрешниот двор, вратата спроти северните и источните врати; и ја измери тој должината од врата до врата — сто лакти.

²⁴И ме поведе кон југ, а таму имаше јужна врата; и ги измери тој столбовите и продолженијата — имаа иста мерка.

²⁵И прозорците во нив и во тремот им беа исто такви како оние прозорци: долги педесет лакти, а широки дваесет и пет лакти.

²⁶Влезот до нив — седум степеника, и тремови имаше пред нив; и украси од палма на столбовите — еден од едната страна и друг од другата страна.

²⁷И во внатрешниот двор имаше јужна врата; ја измери тој должината од врата до врата јужно — сто лакти;

²⁸и ме поведе тој преку јужната врата во внатрешниот двор; ја измери јужната врата — иста мерка.

²⁹И собите околни и столбовите нивни и тремовите нивни — иста мерка, а имаше и прозорци во нив и во тремовите нивни наоколу; сѐ во должина педесет лакти, а широчина — дваесет и пет лакти.

³⁰Тремови имаше наоколу, со должина од дваесет и пет лакти и ширина од пет лакти.

³¹Тремовите беа од кај надворешниот двор, а палми имаше на столбовите нивни при искачувањето кон нив — осум стапки.

³²Ме поведе тој преку источната врата во внатрешниот двор и мерката на таа врата беше со иста мерка,

³³И собите отстрана, столбовите нивни и тремовите нивни имаа иста мерка; а и прозорци имаше кај нив и во тремовите нивни наоколу; должина — педесет лакти, а ширина дваесет и пет лакти.

³⁴Тремовите нивни беа од кај надворешниот двор, а на столбовите нивни имаше палми од едната и од другата страна; искачувањето кон нив — осум степеника.

³⁵Потоа ме одведе пред северната врата, ја измери и таа имаше иста мерка.

³⁶Нејзините соби од страна, столбовите нејзини, тремовите нејзини и прозорците во нив, беа наоколу; сето тоа имаше должина педесет лакти и ширина — дваесет и пет лакти.

³⁷Тремовите беа од кај надворешниот двор, а на столбовите нивни имаше палми — една од едната страна и друга од другата страна; искачувањето кон нив — осум степеника.

³⁸Имаше исто така соба со влез во неа при столбовите на вратата, таму се миеја жртвите за сепаленици.

³⁹А во тремот пред вратите беа поставени две маси од едната страна и две од другата страна, за да се колат на нив жртвите за сепаленици и жртвите за грев и жртвите за престап.

⁴⁰И однадвор, од кај вратата при влезот во отворот на северната врата имаше две маси, и од другата страна до тремот покрај вратата имаше две маси.

⁴¹Четири маси од едната страна и четири маси од другата страна, од кај страната на вратите; вкупно осум маси, на кои се колат жртвите.

⁴²А имаше и четири маси за приготвување на сепалениците — од делкан камен, долги по еден ипол лакот и широки по еден ипол лакот, а високи еден лакот; врз нив се оставаат ножеви за колење на жртвите за сепаленици и на други жртви.

⁴³И куки големи колку една дланка имаше закачени на ѕидовите од зградата наоколу, а на масите го ставаа жртвеното месо.

⁴⁴Однадвор, кај внатрешната врата, имаше соби за певците; во внатрешниот двор од кај северната врата, една свртена со лицето кон југ, а другата странична јужна врата, свртена со лицето кон север.

⁴⁵И ми рече тој: оваа соба, што е свртена со лицето кон југ, е за свештениците што ќе бдеат на стража во храмот.

⁴⁶А собата што е свртена со лицето кон север — за свештениците, што ќе бдеат на стража кај жртвеникот: тоа се синовите на Садока, кои едини од синовите Левиеви можат да се приближуваат до Господа за да Му служат.

⁴⁷Го измери тој дворот: сто лакти долг и сто лакти широк, четириаголен, а пред храмот беше жртвеникот.

⁴⁸И ме поведе во тремот на храмот, па ги измери столбовите на тремот: по пет лакти од едната страна и пет лакти од другата страна; вратите, пак, беа по три лакти широки, од едната страна и по три лакти од другата.

⁴⁹Тремот беше долг дваесет лакти и широк единаесет, и искачувањето кон него десет степеника; имаше и потпори кај столбовите: една од едната страна и друга од другата страна.