Read Lamkang Ппророк Језекиил 42 Bible Online

Ппророк Језекиил 42 - Lamkang bible

Ппророк Језекиил 42

¹И ме изведе од надоврешниот двор по северниот пат и ме доведе при собите, што беа спрема рамнината и спрема зградата од север,

²до она место, кое кај северната врата е долго сто лакти, а широко педесет лакти.

³Спрема дваесетте лакти на внатрешниот двор и спроти плочникот, што е од кон надворешниот двор, трем спроти трем во три ката.

⁴А пред собите имаше ходник — десет лакти широк, а внатре по еден лакот; вратите негови беа свртени спрема север.

⁵Горните соби беа потесни, зашто тремовите одземаа од нив спротивно на долните соби од зградата, кои беа пошироки.

⁶Собите беа на три ката, а немаше такви столбови какви што имаше во дворовите, затоа тие и се направени потесни, спротивно на долните и средните соби, почнувајќи од подот.

⁷А надворешниот ѕид спрема тие соби од надворешниот двор, кој ја поврзува предната страна на собите, е долг педесет лакти;

⁸оти и собите на надворешниот двор имаат должина само педесет лакти, и така пред храмот — сто лакти.

⁹А долу имаше ходник кон тие соби од источната страна, кога се доаѓа кај нив од надворешниот двор.

¹⁰По ширината на ѕидот од дворот спрема исток пред плоштадот и пред зградата имаше соби.

¹¹А ходникот пред нив беше исто таков како и пред оние соби, што се свртени спрема север, со иста таква должина како и при нив, и исто таква ширина; и сите излези нивни и изработката нивна и вратите нивни беа исто такви како и при другите.

¹²Имаше исти врати какви што беа и при собите од јужната страна; и за влез во нив имаше врати при патеката, која водеше надолж по источниот ѕид.

¹³И ми рече тој: северните соби и јужните соби, што се наоѓаат пред плоштадот, се свети соби, во кои свештениците, што му се приближуваат на Господа, ги јадат најсветите жртви; само таму ги ставаат најсветите жртви и лебниот принос, жртвите за грев и жртвите за престап, оти тоа е свето место.

¹⁴Кога влегуваат таму свештениците, тие не треба да излезат од тоа свето место во надворешниот двор, сѐ додека таму не ги остават своите одежди, со кои служеле, зашто тие се свештени одежди; треба да облечат други одежди, и тогаш да излезат пред народот.

¹⁵кога го заврши тој мерењето на внатрешниот храм, ме извести пред вратите, свртени кон исток, и почна да мери наоколу.

¹⁶Ја измери источната страна со мерната трска, измери со неа — петстотини трски;

¹⁷На северната страна со истата мерна трска измери вкупно петстотини трски.

¹⁸На јужната страна со мерната трска измери исто така петстотини трски.

¹⁹И кога се заврти спрема западната страна со мерната трска, измери исто така петстотини трски.

²⁰Од сите четири страни тој го измери; околу него имаше ѕид долг петстотини трски и петстотини трски широк, за да го одделува светото место од несветото.