Read Lamkang Даниил 10 Bible Online

Даниил 10 - Lamkang bible

Даниил 10

¹Во третата година на персискиот цар Кир би откровение до Даниила, кој се викаше Валтазар, и вистинско беше тоа откровение и со голема сила. Тој го разбра тоа откровение и го објасни тоа видение.

²Во тие дни јас, Даниил, бев тажен цели три седмици.

³Вкусен леб не јадев; месо и вино не влезе во устата моја, и масла не употребив, додека не завршија трите седмици.

⁴А во дваесет и четвртиот ден од првиот месец, се најдов покрај брегот на големата река Тигар;

⁵ги кренав очите угоре и видов: ете еден човек, облечен во ленена облака, а крстот му беше препашан со злато од Уфаз.

⁶Телото негово изгледаше како топаз, лицето — како светкавица — очите му беа како запалени светила, рацете негови и нозете негови изгледаа како сјаен бакар и гласот на зборовите негови како глас на многу луѓе.

⁷И само јас единиот, Даниил, го видов тоа видение, а луѓето што беа со мене не го видоа тоа видение; но страв голем ги обзеде, и тие избегаа за да се сокријат;

⁸Останав сам и го гледав тоа големо видение, но во мене не остана сила и видот на лицето мое се измени многу, не остана во мене бодрост.

⁹И го чув гласот на зборовите негови; и штом го чув гласот на зборовите негови, ненадејно паднав ничкум и лежев со лицето кон земјата.

¹⁰Но ете, рака една се допре до мене и ме исправи на колената мои и на дланките од рацете мои.

¹¹Па ми рече тој: »Данииле, сакани човеку, задалабочи се во зборовите што ќе ти ги кажам, и исправи се на нозете свои, зашто при тебе сум денеска испратен.« Штом ми ги кажа тие зборови, јас станав растреперен.

¹²Но тој ми рече: »Не бој се Данииле! Од привиот ден кога го управи срцето свое за да постигнеш разбирање и да се смириш пред твојот Бог, зборовите твои беа примерни, и јас сакав да дојдам според зборовите твои.

¹³Но кнезот на персиското царство стоеше спроти мене дваесет и еден ден; а тоа е Михаил, еден од првите кнезови, дојде да ми помогне и јас останав таму при персискиот цар.

¹⁴А сега дојдов да ти соопштам, што ќе се случи со твојот народ во последните времиња, зашто видението се однесува кон далечни дни.«

¹⁵Додека ми зборуваше такви зборови, паднав ничкум на земјата и онемев.

¹⁶Но ете, ете еден сличен на синовите човечки се допре до усните мои и јас ја отворив устата своја, почнав да зборувам и му реков на оној што стоеше пред мене: »Господаре мој, од ова видение утробата во мене се преврте и во мене не остана сила.

¹⁷Па како може слугата Твој Господи, да зборува со мојот Господар? оти во мене нема сила, и дишењето мое запрело.«

¹⁸Тогаш пак се допре до мене тој човечки образ, ме поткрепи

¹⁹и рече: »Не бој се, сакан човеку, мир да имаш; охрабри се, охрабри се!« и кога зборуваше тој со мене, јас се закрепив и реков: »Зборувај Господи мој, зашто ти ме поткрепи.«

²⁰И тој ми рече: »Знаеш ли зошто дојдов при тебе? сега ќе се вратам за да се борам со персискиот кнез; а штом ќе излезам јас, ќе дојде грчкиот кнез.

²¹Но јас ќе ти соопштам што е напишано во вистинското писмо; и нема никој друг, што ќе ми помогне во тоа, освен Михаил, вашиот кнез.«