Read Lamkang Амос 2 Bible Online

Амос 2 - Lamkang bible

Амос 2

¹Вака вели Господ: за трите престапи на Моав, и за четири нема да го поштедам, оти тој ги изгоре коските на царот едомски во вар.

²Па ќе пратам оган врз Моав, и тој ќе ги проголта дворците кериотски, и ќе загине Моав при пораз со шум, при трубен звук.

³И ќе го истребам судијата негов и ќе ги убијам сите кнезови негови заедно со него, вели Господ.

⁴Така вели Господ: за трите престапи на Јуда и за четири нема да го поштедам, заради тоа што го отфрлија Законот на Господа и наредбите Негови не ги запазија; и идолите, по кои одеа татковците нивни, ги отклонија од патот.

⁵И ќе испратам оган врз Јуда, и тој ќе ги проголта дворците ерусалимски.

⁶Така вели Господ: за трите престапи на Израилот и за четири нема да го поштедам, бидејќи тие продаваат праведен за сребро, и сиромав за две сандали.

⁷Чезнеа да видат прав земен врз главите на сиромасите, и патот на кротките го искруваа; дури татко и син одеа при иста жена, за да го бесчестат Моето свето име.

⁸При секој жртвеник лежат врз облеки, земени во залог, и вино изнудено од обвинети, пијат во домот на боговите свои.

⁹Но Јас ги истребив пред нив Аморејците, чија височина беше како височината на кедар, и кој беше јак како даб; Јас го уништив плодот негов горе, а коренот негов долу.

¹⁰Вас, пак, ве изведов од земјата Египетска и ве водев по пустињата четириесет години, за да ја наследите земјата Аморејска.

¹¹Од синовите ваши избирав луѓе за пророци и од младичи ваши — за назореи; зар не е така синови Израилеви? — вели Господ.

¹²А вие ги поевте назореите со вино и на пророците им заповедавте: »не пророкувајте«.

¹³Еве, Јас ќе ве притегнам, како што се стега кола, натоварена со снопја,

¹⁴и брзиот не ќе има сила за бегање, ни јакиот да издржи и храбриот да го спаси животот свој.

¹⁵Ни оној, што стрела со лак, нема да се додржи, ниту брзиот ќе избега, ниту пак оној на коњ ќе го спаси животот свој.

¹⁶И најхрабриот од храбрите во оној ден ќе избега гол, вели Господ.