Read Lamkang Јона 2 Bible Online

Јона 2 - Lamkang bible

Јона 2

¹И му заповеда Господ на еден голем кит да го проголта Јона; и Јона остана во утробата на тој кит три дена и три ноќи.

²Му се помоли Јона на својот Господ Бог од утробата на китот,

³па рече: »Кон Господа повикав во мојата неволја Он ме чу; извикав од утробата на пеколот — и Ти го чу гласот мој.

⁴Ти ме фрли во длабините, во срцето на морето, и вода ме опколуваше, и сите води Твои и бранови Твои минеа преку мене.

⁵Тогаш реков: Отфрлен сум од очите Твои, но сепак, ќе ја видам светињата Твоја.

⁶Ме притиснаа водите до душата моја, бездната ме затвори; со трева морска главата моја е обвиена.

⁷Слегнав до основите на планините, земјата со резињата свои за навек ме затвори, но Ти, Господи, Боже мој, ќе ја изведеш душата моја од пеколот.

⁸Кога изнемогна душата моја, се сетив на Господа, и молитвата моја стигна до Тебе, до светиот храм Твој.

⁹Оние, кои почитуваат лажни богови, Го оставија својот Милосрден,

¹⁰но јас со похвален глас ќе Ти принесам жртва; она што сум го ветил, ќе го исполнам. Во Господа е спасението!«

¹¹Тогаш му заповеда Господ на китот, и тој го исфрли Јона на суво.