Read Lamkang Броеви 26 Bible Online

Броеви 26 - Lamkang bible

Броеви 26

¹По тој пораз Господ му рече на Мојсеја и на свештеникот Елеазар, син Аронов, велејќи:

²»Преброј те го целото општество на синовите Израилеви од дваесет години нагоре, според домовите нивни, сите способни за војување во Израилот.«

³И им рече Мојсеј и свештеникот Елеазар во Аравот моавски кај Јордан, спроти Јордан, спроти Јерихон, велејќи:

⁴»Пребројте ги сите од дваесет години и нагоре, како што заповеда Господ, кои излегоа од Египетската земја:

⁵Рувим, Израилев првороденец. Рувимовите синови: од Енох — Енохово поколение, од Фалу — Фалуовото поколение,

⁶од Асрон — Асроновото поколение, од Харми — Хармиевото поколение;

⁷тоа се Рувимовите родови: на број тие беа четириесет и три илјади и шестототини и триесет.

⁸Фалуовите синови: Елиав,

⁹и Елиавовите синови: Намуил, Датан и Авирон. Тоа се оние Датан и Авирон, познати кај народот, кои предизвикаа смут против Мојсеја и Арона заедно со соучесниците на Кореја, кога тие предизвикаа бунт против Господа;

¹⁰па земјата ја отвори устата своја и ги голтна заедно со Кореја: заедно со нив умреа и соучесниците нивни, кога оган изгоре двесте и педесет човека, и тие станаа за пример;

¹¹но Кореевите синови не изумреа.

¹²Симеоновите синови според поколенијата нивни: од Намуил — Намуиловото поколение, од Јамин — Јаминовото поколение, од Јахин — Јахиновото поколение,

¹³од Зара — Заровото поколение, од Саул — Сауловото поколение;

¹⁴тоа се Симеоновите родови при пребројувањето нивно: дваесет и две илјади и двесте.

¹⁵Јудиновите синови: Ир и Авнан, и Силом, Фарес и Зара, но Ир и Авнан умреа во Хананската земја;

¹⁶Јудините синови според поколенијата нивни беа: Силом — Силомовото поколение, од Фарес — Фаресовото поколение, од Зара — Заровото поколение.

¹⁷Фаресови синови беа: од Асрон — Асроновото поколение, од Јамун Јамуновото поколение;

¹⁸тоа се Јудините родови според пребројувањето нивно: седумдесет и шест илјади и петстотини.

¹⁹Исахарови синови според поколенијата нивни: од Тола — Толовото поколение, од Фува — Фувиното поколение,

²⁰од Јасува — Јасувовото поколение, од Амврам — Амврамовото поколение;

²¹тоа се Исахаровите родови, според пребројувањето нивно: шеесет и четири илјади и четиристотини.

²²Завулонови синови според поколенијата нивни: од Саред — Саредово поколение, од Алон — Алоновото поколение, од Алил — Алиловото поколение;

²³тоа се Завулоновите поколенија, според пребројувањето нивно: шеесет илјади и петстотини.

²⁴Гадови синови според поколенијата нивни: од Сафон — Сафоновото поколение, од Агин — Агиновото поколение, од Сунин — Суниновото поколение,

²⁵од Азен — Азеновото поколение, од Ад — Адовото поколение,

²⁶од Ароад — Ароадовото поколение, од Армал — Армаловото поколение;

²⁷тоа се поколенијата на Гадовите синови, според пребројувањето нивно: четириесет илјади и петстотини.

²⁸Асирови синови според поколението нивно: од Јамин — Јаминовото поколение, од Јесу — Јесуовото поколение, од Вариј — Вариевото поколение.

²⁹Од Вариевите синови, од Ховер — Ховеровото поколение, од Мелхиил — Мелхииловото поколение;

³⁰Името на Асировата ќерка беше Сара;

³¹Тоа се поколенијата на Асировите синови според пребројувањето нивно: четириесет и три илјади и четиристотини.

³²Јосифови синови според поколенијата нивни: Манасија и Ефрем.

³³Манасиеви синови: од Махир — Махирово поколение, од Махир се роди Галаад, од Галаада — Галадово поколение.

³⁴Еве ги Галаадовите синови: од Ахиезер — Ахиезеровото поколение, од Хелек — Хелековото поколение,

³⁵од Есриила — Есрииловото поколение, од Сухем — Сухемовото поколение,

³⁶од Симаер — Симаеровото поколение, од Офер — Оферовото поколение.

³⁷Салпаад, син Оферов, немаше синови, туку само ќерки; имињата на Салпаадовите ќерки беа: Мала, Нуа, Егла, Мелха и Терса;

³⁸тоа се Манасиевите поколенија; а на број тие беа педесет и две илјади и седумстотини.

³⁹Еве ги Ефремовите синови според поколенијата нивни: од Судал — Судаловото поколение, од Танах — Танаховото поколение;

⁴⁰А еве ги Судаловите синови: од Еден — Еденовото поколение;

⁴¹тоа се поколенијата на Ефремовите синови, според пребројувањето нивно: триесет и две илјади и петстотини. Тоа се Јосифовите синови според поколенијата нивни.

⁴²Венијаминовите синови според поколенијата нивни: Вал — Валовото поколение, од Асивир — Асивировото поколение, од Јахиран — Јахирановото поколение;

⁴³од Софан — Софановото поколение;

⁴⁴Валови синови беа: Адер и Ноеман: од Адер — Адеровото поколение, од Ноемана — Ноемановото поколение;

⁴⁵тоа се Венијаминовите синови според поколенијата нивни; а на број тие беа четириесет и пет илјади и шестотини.

⁴⁶Еве ги Дановите синови според поколенијата нивни: од Самеј — Самеовото поколение;

⁴⁷А сите Самеови поколенија според пребројувањето нивно беа: шеесет и четири илјади и четиристотини.

⁴⁸Нефталимови синови според поколенијата нивни: од Асил — Асиловото поколение, од Гаун — Гауновото поколение;

⁴⁹од Јесер — Јесеровото поколение, од Селим — Селимовото поколение;

⁵⁰тоа се Нефталимовите поколенија според пребројувањето нивно: а на број тие беа четириесет и пет илјади и четиристотини.

⁵¹Тоа се влезените во пребројувањето синови Израилеви: шестотини и една илјада и седумстотини и триесет.«

⁵²И му рече Господ на Мојсеја, велејќи:

⁵³»Ним да им се подели земјата во наследство, според бројот на имињата;

⁵⁴на помногубројните дај им поголем дел, а на помалубројните дај им помал дел: секому треба да му се даде дел сразмерно со бројот на влезените во пребројувањето;

⁵⁵земјата треба да се подели со жреб, тие треба да добијат наследство според имињата на нивните родови;

⁵⁶со жреб да им се поделат нивните делови помеѓу нив — како на многубројните, така и на малубројните.«

⁵⁷Тие се Левиевите синови, што влегоа во пребројувањето според поколенијата свои: од Гирсон — Гирсоновото поколение, од Кат — Катовото поколение, од Мерари — Мерариевото поколение.

⁵⁸Ова се Левиевите родови: Ловеновото поколение, Хевроновото поколение, Мусиновото поколение и Кореевото поколение. Од Кат се роди Амрам.

⁵⁹Името на Амрамовата жена беше Јохавед, ќерка Левиева, која е родена од Левиевата жена во Египет, а таа му го роди на Амарма Арона, Мојсеја и Маријам, нивната сестра.

⁶⁰На Арона му се родија Надав и Авиуд, Елеазар и Итамар;

⁶¹но Надав и Авиуд умреа, кога принесоа туѓ оган пред Господа во Синајската пустиња.

⁶²Сите од машки пол, од еден месец и нагоре, беа преброени дваесет и три илјади; тие не беа преброени заедно со синовите Израилеви, зашто не им беше даден дел меѓу синовите Израилеви.

⁶³Тоа се преброените од Мојсеја и свештеникот Елеазар, кои ги преброија синовите Израилеви во Аравот моавски кај Јордан, спроти Јерихон;

⁶⁴меѓу нив немаше ни еден од оние, кои Мојсеј и свештеникот Арон ги преброија, кога ги пребројуваа синовите Израилеви во Синајската пустиња;

⁶⁵зашто Господ им беше рекол: »Тие ќе изумрат во пустињата.« И никој од нив не остана, освен Јефониевиот син Халев и Навиновиот син Исус.