Read Lamkang Броеви 28 Bible Online

Броеви 28 - Lamkang bible

Броеви 28

¹И му рече Господ на Мојсеја, велејќи:

²»Заповедај им на синовите Израилеви и кажи им: даровите Мои, лебните приноси, жртвите Мои со благопријатен мирис да Ми се принесуваат на празниците Мои.

³И кажи им: ете ја жртвата, која што треба да Му ја принесувате на Господа: две јагниња на ден, без недостаток, за сепаленица постојана за престап:

⁴едното јагне принесувај го наутро, а другото јагне навечер;

⁵и да принесете жртва, една десетина од ефа пченично брашно, помешано со четвртина ин чист елеј,

⁶сепаленицата е постојана жртва на Господа, каква што беше извршена при планината Синај, за благопријатен мирис,

⁷и кон неа да има за прелив четврт ин за едното јагне; на свето место извршувај го со вино преливот на Господа.

⁸Другото јагне принесувај го навечер, со таков лебен принос како утрината, со жртва и прелив за него принесувај го за пријатна благоугодност на Господа.

⁹А во саботен ден принесувајте по две јагниња без недостаток, и две десетти од ефа пченично брашно, поднесено со елеј, како и прелив;

¹⁰и тоа е саботна сепаленица за секоја сабота, освен постојаната сепаленица и преливот за неа.

¹¹и при млад месец принесувајте Му на Господа сепаленици: од говедата две телиња, еден овен и седум јагниња без недостаток,

¹²и три десетти од ефа пченично брашно поднесено со елеј, принос со телето, и две десетти од ефа пченично брашно, принесено со елеј, принос со овенот,

¹³и по една десетта од ефа пченично брашно, поднесена со елеј, принос за секое јагне: тоа е сепаленица, благопријатна жртва на Господа;

¹⁴а преливот за нив треба да биде половина ин вино за телето, една третина од ин за овенот и една четвртина ин за јагнето; тоа е сепаленица за секое новомесечје во текот на сите месеци на годината.

¹⁵Принесувајте Му на Господа секогаш и по еден козел од козите ваши — жртви за грев; него треба да го принесувате заедно со преливот за него.

¹⁶Во првиот месец, на четиринаесеттиот ден од месецот, е Пасха Господова.

¹⁷А на петнаесеттиот ден од тој месец е празник; седум дена треба да се јадат бесквасни лебови.

¹⁸Првиот ден да ви биде особено свет, никаква работа не вршете;

¹⁹и принесете сепаленица, жртва на Господа: две телиња од говедата, еден овен и седум едногодишни јагниња; тие да се без недостаток;

²⁰а и принос кон нив пченично брашно, поднесено со елеј, тие десетини од ефа за секое теле, и две десетини од ефа за овенот,

²¹и по една десетина ефа принесувајте за секое од седумте јагниња,

²²и еден козел од козите — жртва за грев, за да се помолат за вас;

²³принесувајте го тоа, освен утринската сепаленица, која е постојана жртва.

²⁴Така правете секој ден во седумте дена; тоа е дар, принос благопријатен за Господа; при редовната сепаленица и прелив за неа.

²⁵И седмиот ден треба да ви биде особено свет; никаква работа не вршете.

²⁶И денот на првите плодови, кога Му принесувате на Господа нова жртва во вашите седмици, треба да ви биде особено свет; никаква работа не вршете;

²⁷и принесете сепаленици за благопријатен мирис на Господа: од говедата две телиња, еден овен и седум едногодишни јагниња, без недостаток,

²⁸а заедно со нив и принос од пченично брашно, поднесено со елеј, три десетини од ефа за секое теле, две десетини од ефа за овен,

²⁹и по една десетина од ефа за секое од седумте јагниња;

³⁰и еден козел од козите — жртва поради грев, за да се помолат за вас.

³¹Пронесувајте ми ги овие жртви со вино за прелив, освен постојаните сепаленици со приносите; тие треба да бидат без недостаток.«