Read Lamkang Броеви 6 Bible Online

Броеви 6 - Lamkang bible

Броеви 6

¹И му рече Господ на Мојсеја, велејќи:

²»Кажи им на синовите Израилеви и речи им: ако маж или жена вети да Му се посвети на Господа, да даде завет за да се очисти со Господовата чистота,

³тој треба да се воздржува од вино и од сикер, и од вински оцет, и од оцет од сикер, и не смее да пие ништо приготвено од грозје, а не смее да јаде ни свежо, ниту суво грозје;

⁴во сите денови на својот завет тој не смее да јаде и да пие ништо, што е приготвено од грозје, — од семките до лушпите.

⁵Во сите денови на неговиот завет за очистување брич не смее да ја допира главата негова; додека да минат деновите, во кои Му се посветил на Господа, тој е свет; треба да остави слободна да расте косата на неговата глава.

⁶Во сите денови, во кои Му се посветил на Господа, тој не смее да се доближува до мртво тело;

⁷тој не смее да се осквернува ни со допир до таткото свој и мајката своја, до братот свој и сестрата своја, кога ќе умрат, зашто заветот на Бога е врз главата негова;

⁸во сите денови на неговиот завет нека биде свет пред Господа.

⁹Ако некој кај него умре некој ненадејно, и со тоа се оскверни главата на неговиот завет, да ја истриже главата своја во денот на своето очистување, на седмиот ден да ја истриже,

¹⁰а во осмиот ден да му однесе на свештеникот при влезот од скинијата на сведоштвото две грлици или два млада гулаба.

¹¹Свештеникот да принесе една од птиците како жртва за грев, а другата за сепаленица, и да се помоли за него за она во што се осквернил и да ја посвети главата негова во тој ден; во тој ден ќе се освети во Господа, во деновите на неговиот завет,

¹²а тој одново треба да ги почне на Господа посветените денови според својот завет и да принесе едногодишно јагне како жртва за престап; поранешните, пак, денови да не се сметаат, зашто главата му беше осквернета.

¹³И тоа е законот за оној што сака да освети, и во оној ден кога ќе завршат деновите за заветот негов, тој сам треба да принесе пред влезот од скинијата на сведоштвото,

¹⁴приведувајќи Му дар на Господа едно едногодишно машко јагне без недостаток за сепаленица, и едно женско јагне без недостаток како жртва за грев и еден овен без недостаток како жртва за спасение,

¹⁵и кошница со лебови без квас од пченично брашно, и лебови месени со елеј, и лебови помазани со елеј, и жртва за нив и за преливање.

¹⁶И свешетникот да го донесе тоа пред Господа и да принесе жртва за грев и сепаленица за него;

¹⁷овенот да Му го принесе на Господа како жртва за спасение заедно со кошницата бесквасни лебови; исто така свештеникот да го принесе лебот и преливот за него.

¹⁸А при влезот од скинијата на сведоштвото ветениот да ја истриже својата посветена глава, и да ја стави косата од својата посветена глава на огнот, што е под жртвата за спасение.

¹⁹И да земе свештеникот една сварена плешка од овенот, еден бесквасен леб од кошницата и еден леб и да ги стави во рацете на ветениот, откако тој ќе ја истриже својата глава;

²⁰и да го издигне тоа свештеникот, нишајќи го пред Господа; тоа е светиња за свештеникот заедно со нишканите приноси и издигнатата плешка. Потоа назореот може да пие вино.

²¹Тоа е законот за ветениот, кој што ветил да Му даде дар на Господа за неговиот завет, освен она, што не е во состојба да даде: според законот за очистување.«

²²И му рече Господ на Мојсеја, велејќи:

²³»Кажи му на Арона и на синовите негови: така да го благословувате синовите Израилеви и говорете им:

²⁴‚да те благослови Господ и да те чува!

²⁵да погледна милозливо кон тебе Господ со светлото Свое лице на тебе и да те помилува;

²⁶да го сврти Господ кон тебе лицето Свое и да ти даде мир!‘

²⁷Така да го спомнувате името Мое над синовите Израилеви, и Јас, Господ ќе ги благословам.«