Read Lamkang Броеви 7 Bible Online

Броеви 7 - Lamkang bible

Броеви 7

¹Во оној ден кога Мојсеј ја изгради скинијата и ја помаза, кога ја освети неа и сите нејзини сосуди, и жртвеникот и сите негови сосуди, и ги помаза и ги освети, —

²тогаш доведоа при него дванаесет началници Израилеви, глави на домовите нивни, старешини на племињата што го надгледуваа пребројувањето,

³и донесоа принос свој пред Господа — шест покриени коли и дванаесет волови, по една кола од двајца началници и по едно теле од секого, и го донесоа тоа пред скинијата.

⁴И му рече Господ на Мојсеја, велејќи:

⁵»Земи го тоа од нив; тоа ќе послужи за извршување на службите во скинијата на сведоштвото; и дај им го тоа на левитите, секому според службата негова!«

⁶И ги зеде Мојсеј колите и воловите и им ги предаде на левитите:

⁷две коли и четири вола им даде на Гирсоновите синови, според службата нивна;

⁸и четири коли и осум волови им даде на Мерариевите синови, според службата нивна, под надзор на Итамара, синот на свештеникот Арон;

⁹а на Каатовите синови не им даде, зашто нивната работа беше да го носат светилиштето: на рамо треба да го носат.

¹⁰И донесоа началниците жртви за осветување на жртвеникот во оној ден кога го помазаа, а принесоа началниците и дарови свои пред жртвеникот.

¹¹Па му рече Господ на Мојсеја: »На ден по еден началник да донесува свој принос за обновување на жртвеникот.«

¹²Во првиот ден го донесе својот дар Наасон, Аминадавовиот син, од племето на Јуда;

¹³дарот негов беше: една сребрена чинија, тешка сто и триесет сикли, една сребрена чаша, тешка седумдесет сикли, според свештената сикла, обете полни со пченично брашно, смешано со елеј за жртва;

¹⁴една златна кадилница, тешка десет сикли, полна со темјан;

¹⁵едно теле, еден овен, едно едногодишно јагне за сепаленица;

¹⁶еден козел од козите — жртва за грев;

¹⁷и жртва за спасение, две јуниња, пет овни, пет козли, пет јагниња. Тоа беше дар од Наасона, Аминадавовиот син.

¹⁸Во вториот ден дар свој донесе Натанаил, Согаровиот син, началник на племето Исахарово;

¹⁹тој донесе свој принос: една сребрена чинија, тешка сто и триесет сикли, една сребрена чаша — седумдесет сикли, според свештената сикла, полни со пченично брашно, измешано со елеј за жртва;

²⁰една златна касилница — десет сикли, полна со темјан,

²¹едно теле, еден овен, едно едногодишно јагне за сепаленица,

²²е еден козел како жртва за грев,

²³и жртва за спасение — два јунца, пет овни, пет козли, пет едногодишни јагниња. Тоа беше дарот од Натанаила, Согаровиот син.

²⁴Во третиот ден донесе началникот на синовите Завулонови Елиав, Хелоновиот син;

²⁵дарот му беше: една сребрена чинија, тешка сто и триесет сикли, една сребрена чаша — седумдесет сикли, според свештената сикла, полни со пченично брашно, измешано со елеј за жртва;

²⁶една златна кадилница — десет сикли, полна со темјан,

²⁷едно теле од воловите, еден овен, едно едногодишно јагне за сепаленица,

²⁸еден козел — жртва за грев,

²⁹и жртва за спасение две јуници, пет овни, пет козли, пет едногодишни јагниња. Тоа беше дар од Елиав, Хелоновиот син.

³⁰Во четвртиот ден донесе началникот на Рувимовите синови Елисур, Седиуровиот син;

³¹дарот негов беше: една сребрена чинија, тешка сто и триесет сикли, една сребрена чаше — седумдесет сикли, според свештената сикла, полни со пченично брашно со елеј за жртва;

³²една златна кадилница — десет сикли, полна со темјан,

³³едно теле од воловите, еден овен, едно едногодишно јагне за сепаленица,

³⁴еден козел — жртва за грев,

³⁵и жртва за спасение две јуници, пет овни, пет јариња и пет едногодишни јагниња. Тоа е дарот од Елисур, Седиуровиот син.

³⁶Во петтиот ден донесе началникот на Симеоновите синови Саламиил, Сурисадаевиот син;

³⁷приносот негов беше: една сребрена чинија, тешка сто и триесет сикли, една сребрена чаша — седумдесет сикли, според свештената сикла, обете полни со пченично брашно, и измешано со елеј за жртва;

³⁸една златна кадилница — десет сикли, полна со кадиво,

³⁹едно теле од воловите, еден овен, едно едногодишно јагне за сепаленица,

⁴⁰еден козел — жртва за грев,

⁴¹и жртва за спасение — две јуници, пет овни, пет колзли и пет едногодишни јагниња. Тоа е дарот од Саламиил, Сурисадаевиот син.

⁴²Во шестиот ден донесе началникот на Гадовите синови Елисаф, Рагуиловиот син;

⁴³приносот негов беше: една сребрена чинија, тешка сто и триесет сикли, една сребрена чаша — седумдесет сикли, според свештената сикла, полни со пченично брашно, измешано со елеј за жртва;

⁴⁴една златна кадилница — десет сикли, полна со кадиво,

⁴⁵еден козел, едно теле од воловите, еден овен, едно едногодишно јагне за сепаленица,

⁴⁶еден козел жртва за грев,

⁴⁷и жртва за спасение — две јуници, пет овни, пет козли и пет едногодишни јагниња. Тоа е дарот од Елисаф, Рагуиловиот син.

⁴⁸Во седмиот ден донесе началникот на Ефремовите синови Елисам, Емиудовиот син;

⁴⁹приносот негов беше: една сребрена чинија, тешка сто и триесет сикли, една сребрена чаша — седумдесет сикли, според свештената сикла, полни со пченично брашно, измешано со елеј за жртва;

⁵⁰една златна кадилница — десет сикли, полна со темјан,

⁵¹едно теле од воловите, еден овен, едно едногодишно јагне за сепаленица,

⁵²еден козел — жртва за грев,

⁵³и жртва за спасение — две јуници, пет овни, пет козли, пет едногодишни јагниња. Тоа е дарот од Елисам, Емиудовиот син.

⁵⁴Во осмиот ден донесе началникот на Манасиевите синови Гамалиил, Фадасуровиот син;

⁵⁵приносот негов беше: една сребрена чинија, тешка сто и триесет сикли, една сребрена чаша — седумдесет сикли, според свештената сикла, полни со пченично брашно, измешано со елеј за жртва;

⁵⁶една златна кадилница — десет сикли, полна со темјан,

⁵⁷едно теле од воловите, еден овен, едно едногодишно јагне за сепаленица,

⁵⁸еден козел — жртва за грев,

⁵⁹и жртва за спасение, две јуници, пет овни, пет козли, пет едногодишни јагниња. Тоа е дарот од Гамалиил, Фадасуровиот син.

⁶⁰Во деветтиот ден донесе началникот на Венијаминовите синови Авидан, Гидеониевиот син;

⁶¹приносот негов беше: една сребрена чинија, тешка сто и триесет сикли, една сребрена чаша — седумдесет сикли, според свештената сикла, полни со пченично брашно измешано со елеј за жртва;

⁶²една златна кадилница — десет сикли, полна со темјан,

⁶³едно теле од воловите, еден овен, едно едногодишно јагне за сепаленица,

⁶⁴еден козел — жртва за грев,

⁶⁵е жртва за спасение — две јуници, пет овни, пет козли, пет едногодишно јагниња. Тоа е дар од Авидана, Гидеониевиот син.

⁶⁶Во десеттиот ден донесе началникот на Дановите синови Ахиезер, Амисадаевиот син;

⁶⁷приносот негов беше една сребрена чинија, тешка сто и триесет сикли, една сребрена чаша — седумдесет сикли, според свештената сикла, полни со пченично брашно, измешано со елеј за жртва;

⁶⁸една златна кадилница — десет сикли, полна со темјан,

⁶⁹едно теле од воловите, еден овен, едно едногодишно јагне за сепаленица,

⁷⁰еден козел — жртва за грев,

⁷¹И жртва за спасение — две јуници, пет овни, пет козли, пет едногодишни јагниња. Тоа е дарот на Ахиезер, Амисадаевиот син.

⁷²Во единаесеттиот ден донесе началникот на Асировите синови Фагаил, Ехрановиот син;

⁷³приносот негов беше: една сребрена чинија, тешка сто и триесет сикли, една сребрена чаша — седумдесет сикли, според свештената сикла, полни со пченично брашно, измешано со елеј за жртва;

⁷⁴една златна кадилница — десет сикли, полна со темјан,

⁷⁵едно теле од воловите, еден овен, едно едногодишно јагне за сепаленица,

⁷⁶еден козел — жртва за грев,

⁷⁷и жртва за спасение — две јуници, пет овни, пет козли, пет едногодишни јагниња. Тоа е дарот од Фагаил, Ехрановиот син.

⁷⁸Во дванаесеттиот ден донесе началникот на Нефталимовите синови Ахиреј, Енановиот син;

⁷⁹приносот негов беше: една сребрена чинија, тешка сто и триесет сикли, една сребрена чаша — седумдесет сикли, според свештената сикла, полни со пченично брашно, измешано со елеј за жртва.

⁸⁰една златна кадилница — десет сикли, полна со темјан,

⁸¹едно теле од воловите, еден овен, едно едногодишно јагне за сепаленица,

⁸²еден козел, жртва за грев,

⁸³и жртва за спасение — две јуници, пет овни, пет козли, пет едногодишни јагниња. Тоа е дарот од Ахиреја, Енановиот син.

⁸⁴Тоа беа даровите од началниците Израилеви при обновувањето на жртвеникот во денот на помазувањето негово: дванаесет сребрени чинии, дванаесет сребрени чаши, дванаесет златни кадилници.

⁸⁵Во секоја чинија имаше по сто и триесет сикли сребро и во секоја чаша по седумдесет; и така, сребро во тие садови си на си — две илјади и четиристотини сикли, според свештената сикла;

⁸⁶а дванаесетте златни кадилници полни со темјан, секоја имаше по десет сикли, според свештената сикла: злато во кадилниците си на си — сто и дваесет сикли.

⁸⁷За сепаленици имаше вкупно: дванаесет телиња крупен добиток, дванаесет овни, дванаесет едногодишни јагниња, и жртвите со нив и прелив за нив, како и жртвите за грев дванаесет козли;

⁸⁸а за спасение жртви имаше си на си: дваесет и четири телиња крупен добиток, шеесет овни, шеесет едногодишни козли, шеесет едногодишни јагниња без недостаток; тоа беа даровите при осветувањето на жртвеникот откако беше помазан.

⁸⁹Кога Мојсеј влегуваше во скинијата на сведоштвото да зборува со Господа, слушаше глас, кој му говореше од поклопецот, што е над ковчегот на откровението меѓу двата