Read Lamkang Михеј 5 Bible Online

Михеј 5 - Lamkang bible

Михеј 5

¹Утврди се сега тврдино. И пак сме опседнати, со прат ќе го бијат по образите судијата на Израилот.

²И ти, Витлееме Ефратов, иако си најмал меѓу илјадниците Јудејци, од тебе ќе ни излезе Оној, Кој треба да владее во Израилот и чие потекло е од почетокот, од вечноста.

³Затоа Он ќе ги остави до времето додека роди онаа, кој треба да роди; тогаш при синовите Изаилеви ќе се вратат и нивните други браќа.

⁴Ќе застане Он и ќе ги пасе со силата на Господа, со величието на името Господово, својот Бог — и тие ќе живеат во мир, зашто тогаш Он ќе биде велик до краиштата на земјата.

⁵И Он ќе биде мирот. Кога ќе дојде Асур во нашата земја и ќе стапи во нашето владение, тогаш ние против него ќе поставиме седум пастири и осум народни кнезови.

⁶Тогаш тие ќе ја испасат земјата Асур со меч, а земјата на Немрода покрај портите, и Он ќе нѐ избави од Асура, кога ќе дојде во нашата земја и ќе влезе во пределите наши.

⁷А остатокот од Јакова меѓу многуте народи ќе биде како роса од Господа, како ситен дожд по трева. Он нема да зависи од човек и нема да се потпира на синовите Адамови.

⁸И остатокот на Јакова ќе биде меѓу народите, меѓу многу племиња, како лав меѓу горски ѕверови, како лавче меѓу овчо стадо; и кога ќе се појави, ќе гази и ќе растргнува и никој не ќе може да се спаси од него.

⁹Тогаш ќе се крене раката Твоја над непријателите Твои и тие ќе бидат истребени.

¹⁰И во оној ден, вели Господ, ќе ги истребам коњите твои пред тебе и ќе ги уништам колите твои;

¹¹и ќе ги сотрам градовите во твојата земја и ќе ги растурам сите тврдини твои;

¹²ќе ги истргнам магиите од рацете твои, и при тебе не ќе има веќе вражачи;

¹³ќе ги уништам идолите и резаните ликови меѓу тебе — и нема веќе да се клањаш на творби од рацете твои;

¹⁴и ќе го искоренам од твојата средина идолските светилишта и ќе ги разорам градовите твои.

¹⁵Во гнев и со негодување ќе се одмаздам над народите што ќе бидат непослушни.