Read Lamkang Авакум 1 Bible Online

Авакум 1 - Lamkang bible

Авакум 1

¹Пророчко видение што го имаше пророкот Авакум.

²До кога, Господи, ќе повикувам, а Ти не ме слушаш; викам кон Тебе поради насилството, а Ти не ме избавуваш?

³Зошто ми дозволуваш да гледам злодејанија, и да гледам неволи? Грабежот и насилството се пред мене; се појавува непријателство, настанува раздор.

⁴Поради тоа законот ја изгуби силата, нема веќе праведен суд: нечестивиот го победува праведниот, и затоа судот се искривува.

⁵Погледајте меѓу народите, видете — и многу ќе се зачудите и восхитите: зашто во ваше време Јас ќе извршам такво дело, за кое вие не би поверувале, ако би ви раскажувале.

⁶Оти Јас ќе ги кренам Халдејците, народ жесток и необуздан, кој оди по ширините земни за да завладее населби, кои нему не му припаѓаат.

⁷Тој е страшен и ужасен; тој самиот е и суд и власт.

⁸Коњите негови се побрзи и од леопарди и поустремни од вечерни волци; коњицата негова се движи по разни страни; јавачи му доаѓаат од далечина, налетуваат како орли, што се спуштаа врз пленот.

⁹Во групи тој оди по грабеж; го устремува лицето и тој заробува пленици како песок.

¹⁰И со цареви се подигрува, а кнезовите му служат за подбив; над секоја тврдина тој се смее: засипува опсаден окоп и ја преземе.

¹¹Во таков случај духот му станува горд, оди и бујствува; силата негова му е бог.

¹²Но, зар не си Ти од векот Господ Бог мој, Светецот мој? Ние нема да умреме! Ти, Господи, само за суд си го допуштил тоа. Карпо моја. За казна си го определил ова.

¹³На чистите очи Твои не е својствено да гледаат злодејание и да гледаш угнетување Ти не можеш. Зошто гледаш злодејци и си безгласен, кога нечестивецот проголтува човек што е поправеден од него.

¹⁴и ги оставаш луѓето како риба в море и како лазачи, кои немаат господар?

¹⁵Сите тие со јадици ги лови, ги лови во мрежата своја, ги извлекува и ги собира на суво, па затоа се радува и весели.

¹⁶Затоа на мрежата своја ѝ принесува жртва и на торбата ѝ кади со темјан, оти од нив делот му е мрсен и храната му е вкусна.

¹⁷Па заради тоа ќе сака ли да ја испразни мрежата своја и постојано да ги убива народите безмилосно?