Read Lamkang Захарија 13 Bible Online

Захарија 13 - Lamkang bible

Захарија 13

¹Во оној ден ќе се отвори извор за домот Давидов и за жителите ерусамиски, за да се измијат од гревовите нивни и од нечистотијата.

²Во оној ден, вели Господ Саваот, Јас ќе ги истребам имињата на идолите од оваа земја, и тие повеќе нема да се спомнуваат; ќе ги истребам и лажните пророци и нечистиот дух од оваа земја.

³Тогаш, ако некој претскажува, татко му и мајка му, што го родиле, ќе му речат: ти не треба да живееш, зашто кажуваш лага во името на Господа; и ќе го убијат татко му и мајка му, кога тој ќе претскажува.

⁴Во оној ден ќе се засрамат таквите претскажувачи, секој од кажувањето свое, кога ќе почнат да претскажуваат, и нема да се облекуваат во вреќишта, за да лажат.

⁵Тогаш секој ќе рече: јас не сум пророк, земјоделец сум, бидејќи некој ме направил роб од детството мое.

⁶Но ќе му речат: а од што ти се белезите на рацете твои? Тој ќе одговори: од тоа што ме биеја дома оние што ме сакаа.

⁷О, мечу, подогни се против Мојот пастир и против Мојот ближен, вели Господ Саваот: порази го пастирот, и овците ќе се распрснат! И Јас ќе ја свртам раката Своја против малите.

⁸И по целата земја, вели Господ, два дела од неа ќе бидат истребени, ќе изумрат, а третиот ќе остане.

⁹И тој трет дел ќе го минам низ оган, и ќе ги стопам како што се топи сребро, и ќе ги исчистам, како што се чисти злато; тие ќе го повикаат името Мое, и Јас ќе ги чујам; тоа е Мојот народ, а тие ќе речат: Господ е мој Бог!