Read Lamkang Захарија 4 Bible Online

Захарија 4 - Lamkang bible

Захарија 4

¹И се врати оној ангел, кој зборуваше со мене, и ме разбуди, како што се разбудува човек од сон.

²Па ми рече: што гледаш? Одговорив: еве, гледам свеќник цел од злато и чашка за елеј врз него, а и седум кандилца на него и по седум чашенца за кандилцата, при врвот.

³И две маслинки на него — една десно од чашката, а друга лево од неа.

⁴Одговорив и му рекова на ангелот, кој говореше со мене — што претставува ова, господине?

⁵И ангелот, што зборуваше со мене, одговори и ми рече: »зар не знаеш што е тоа?« Му реков »не знам, господине мој.«

⁶Тогаш одговори и ми рече: »тоа е словото Господово кон Зоровавела, што кажува — не со војска не со сила, а со Мојот Дух, вели Господ Саваот.

⁷Која си ти, планино голема, пред Зоровавела: Та ти си рамнина и он ќе го изнесе каменот темелник во восклик: благодат, благодат врз него!«

⁸И би слово Господово до мене:

⁹рацете на Зоровавела ги поставија основите на овој дом: неговите раце и ќе го завршат, и ти тогаш ќе рабереш дека Господ Саваот ме прати при вас.

¹⁰Оти, кој може да го омаловажи тој ден, кога радосно ќе ја гледаат ѕидарската висулка во рацете на Зоровавела оние седум, а тоа се очите на Господа, што со поглед ја опфаќаат целата земја?

¹¹Потоа одговорив и му реков: што значат оние две маслинки од десната и од левата страна на свеќникот?

¹²И пак почнав да му зборувам и му реков — што треба да означуваат оние две маслинени гранчиња, што се наоѓаат меѓу двете златни цевчиња, кои од себе долеваат масло?

¹³А тој ми рече: »зар не ти е познато што е тоа?« Му одговорив: »не знам, господине мој.«

¹⁴Тогаш тој ми рече: »па тоа се двајцата помазаници со елеј, кои стојат пред Господа над целата земја.«