Read Lamkang Захарија 8 Bible Online

Захарија 8 - Lamkang bible

Захарија 8

¹И пак дојде слово од Господа Саваота:

²вака вели Господ Саваот: »Ревнував за Ерусалим и за Сион со голема ревност и со голем гнев ревнував за него«.

³Така вели Господ: »Ќе се обрнам кон Сион и ќе живеам во Ерусалим, и Ерусалим ќе се вика град на вистината, и гората на Господа Саваота ќе се вика — Света Гора«.

⁴Така вели Господ Саваот — »И пак старци и старички ќе седат по улиците на Ерусалим, секој со стапчето свое поради напреднатата возраст своја.

⁵А и улиците на тој град ќе се исполнат со момчиња и девојки, кои ќе си играат по улиците негови«.

⁶Вака вели Господ Саваот: »Ако во очите на другите им биде чудно во тие дни, зар ќе биде тоа чудно и во очите Мои?« — вели Господ Саваот.

⁷Вака вели Господ Саваот: »Ете, Јас ќе го спасам Својот народ од источната страна и од западната;

⁸ќе ги доведам, и тие ќе живеат во Ерусалим и ќе бидат Мој народ, и Јас ќе им бидам нивни Бог, во вистина и во правда«.

⁹Така вели Господ Саваот: »Поткрепете ги сега рацете свои вие, што ги слушате овие зборови од устата на пророците, кои беа при основањето на домот за Господа Саваота, за да се изгради храмот.

¹⁰Оти пред оние дни немаше ни плата за човек ниту награда за трудот на животното; немаше спокојство од непријателите ни за оној што доаѓаше, ниту за оној што си одеше; и дозволував Јас секој човек да му е непријател на друг човек.

¹¹А сега за остатокот од овој народ Јас не сум веќе таков како во поранешните денови« — вели Господ Саваот.

¹²Зашто селидбата ќе се врши во мир, лозата ќе го даде својот плод, замјата ќе го даде својот род, а и небесата ќе ја даваат својата роса; и сето тоа ќе го предадам на остатокот од овој народ.

¹³И како што вие, доме Јудин и доме Израилев, бевте проколнати меѓу народите, така ќе ве избавам, и вие ќе бидете благословени; не плашете се, рацете ваши нека се поткрепат!

¹⁴Оти така вели Господ Саваот: »Како што бев определил да ве казнам, кога татковците ваши Ме прогневуваа — вели Господ Саваот — и не зажалив,

¹⁵така пак определив во овие дни на Ерусалим да му направам добро и на домот Јудин; не бојте се!

¹⁶Еве ги наредбите што треба вие да ги извршувате: зборувајте вистина еден на друг; праведно и мирољубово судете при портите ваши.

¹⁷Никој од вас да не му мисли зло на ближниот свој, и на посакувајте лажна клетва, зашто сето тоа Јас го мразам« — говори Господ Севишниот.

¹⁸И би слово до мене од Господа Саваота:

¹⁹Вака вели Господ Саваот: »Постот во четвртиот месец, постот во петтиот, постот во седмиот и постот во десеттиот месец за домот Јудин ќе бидат радост и голема веселба, сакајте ги вистината и мирот«.

²⁰Така вели Господ Саваот: »Уште ќе доаѓаат народи и жители од многу градови,

²¹и ќе дојдат жителите од еден град при жителите во друг град, — па ќе речат: да дојдеме да се помолиме пред лицето на Господа и да Го побараме Господа Саваота; тогаш секој ќе рече — ќе појдам и јас.

²²И ќе доаѓаат многу племиња и народи силни, за да го бараат Господа Саваота во Ерусалим и да се помолат пред лицето на Господа.«

²³Така вели Господ Саваот: »Во тие дни ќе се фаќаат по десет души од разни народи за полата од Јудеец и ќе речат — ќе појдеме со тебе, оти чувме дека Бог е со вас«.