Read Lamkang Марко 3 Bible Online

Марко 3 - Lamkang bible

Марко 3

¹И влезе пак во синагогата, а таму имаше еден човек со исушена рака.

²И пазеа на Него, дали ќе го исцели во саботен ден, за да Го обвинат.

³А Он му рече на човекот со исушената рака: »Застани насреде!«

⁴Ним, пак, им кажа: »Во сабота позволено ли е да прави човек добро, или зло; да спаси една душа, или да ја погуби?«

⁵Па, кога ги изгледа со гнев, зашто Му беше тешко поради нивните скаменети срца, му рече на човекот: »Протегни ја раката своја!« Тој ја протегна, и таа му стана здрава, како и другата.

⁶Фарисеите, штом излегоа, веднаш се собраа со иродовците на совет против Него, како да Го погубат.

⁷Исус, пак, отиде со Своите ученици кон морето, и по Него одеше многу народ од Галилеја, и од Јудеја,

⁸од Ерусалим, и од Идумеја и отаде Јордан. Па и од Тир и Сидон, откако чуја какви дела врши, во голем број дојдоа кај Него.

⁹И им порача на учениците Свои да Му приготват кораб, поради народот, за да не Му додева;

¹⁰зашто мнозина беше излекувал, така што сите, кои беа болни, навалуваа на Него за да се доближат до Него.

¹¹И нечистите духови, штом ќе Го видеа, паѓаа пред Него, викаа и говореа: »Ти си Син Божји!«

¹²Но он строго им забрануваше да разгласуваат за Него.

¹³Потоа се искачи на гората и ги повика при Себе оние, кои Сам ги одбра, и тие дојдоа при Него.

¹⁴Избра дванаесетмина да бидат со Него, и да ги праќа да проповедаат;

¹⁵и да имаат власт да лекуваат болести и да изгонуваат бесови:

¹⁶првиот Симон, кого го нарече Петар;

¹⁷па Јаков Зеведеев и брат му Јован, на кои им даде име Воанергес, што значи: синови на громот;

¹⁸потоа Андреј, Филип, Вартоломеј, Матеј, Тома, Јаков Алфеев, Тадеј, Симон Кананит

¹⁹и Јуда Искариотски, кој и Го предаде.

²⁰И дојдоа во една куќа; и пак се собра народ — така што и тие не можеа ни леб да јадат.

²¹И кога чуја Неговите домашни, отидоа да Го приберат, оти се говореше дека не бил на Себеси.

²²А книжниците, што беа слегнале од Ерусалим, велеа дека во Него е Велзевул и дека бесовите ги истерува со силата на кнезот демонски.

²³И кога ги повика, им говореше во параболи: »Како може сатаната да изгонува сатана?

²⁴Ако едно царство се раздели на делови, еден против друг, тоа царство не може да се одржи;

²⁵и, ако еден дом се раздели на делови, еден против друг, тој дом не може да опстане;

²⁶ако и сатаната се дигнал против себеси, и се разделил, не ќе може да се одржи; му дошол крајот и нему.

²⁷Никој не може, кога ќе влезе во куќата на силен човек, да му ја ограби покуќнината, ако најнапред не го врзе силниот; и тогаш ќе му ја земе покуќнината.

²⁸Вистина, ви велам: на човечките синови ќе им се простат сите гревови и хули, какви и да бидат тие;

²⁹но, кој похули на Светиот Дух, нему нема да му се прости никогаш, а ќе биде виновен пред вечниот суд.«

³⁰Тоа го рече, оти велеа: »Нечист дух е во Него.«

³¹И дојдоа мајка Му и браќата Негови, па, стоејќи надвор, порачаа да Го викнат.

³²А околу Него седеше народ. И Му рекоа: »Ете, мајка Ти и браќата Твои, и сестрите Твои, надвор се и Те бараат.«

³³А Он им одговори, велејќи: »Која е мојата мајка, или кои се браќата Мои?«

³⁴Па, како ги погледна оние што седеа околу Него, рече: »Еве ги Мојата мајка и Моите браќа.

³⁵Зашто оној, кој ја исполнува волјата Божја, тој Ми е брат, и сестра, и мајка.«