Read Lamkang Второзаконие 13 Bible Online

Второзаконие 13 - Lamkang bible

Второзаконие 13

¹»Ако излезе пред тебе некој пророк, или толкувач на соништа, и ти покаже знак или чудо,

²и ако се оствари тој знак или чудо, за кое тој ти говорел, па потоа ти рече: ‚да одиме да служиме на други богови, кои ти не ги познаваш,‘

³ти не го слушај гласот на таков пророк, или на таков толкувач на соништа; бидејќи преку тоа Господ, вашиот Бог, ве искушува, за да дознае, дали Го сакате Господа, вашиот Бог, со сето свое срце и со сета своја душа.

⁴Господа, вашиот Бог, следете Го, бојте се од Него, извршувајте ги Неговите заповеди и слушајте го гласот Негов, и Нему служете Му и бидете приврзани кон Него.

⁵А оној пророк, или оној толкувач на соништа да биде осуден на смрт, поради тоа што те измамил да се откажеш од Господа, твојот Бог, Кој те изведе од Египетската земја и те избави од домот на ропството, зашто сакал да те одврати од патот, по кој Господ, твојот Бог, ти беше заповедал да одиш; така истребете го злото од околината ваша.

⁶Ако тајно те наговорува братот твој од твојот татко или од мајката твоја, или твојот син, или ќерката твоја, или саканата жена твоја, или пријателот твој, кои е за тебе како душата твоја, па ти рече: ‚да одиме и да им служиме на други богови‘, што не ги познаваше ти и твоите татковци,

⁷на боговите на оние народи, што се околу тебе, од едниот крај на земјата до другиот, —

⁸не се согласувај со него и не го слушај; и да не ти се смили окото твое над него, не го жали и не го сокривај,

⁹туку убиј го; прво твојата рака нека биде врз него, за да го убие, — а потоа рацете на целиот народ;

¹⁰убиј го со камења, да умре; бидејќи тој сакал да те отстрани од Господа, твојот Бог, Кој те изведе од Египетската земја, од домот на ропството.

¹¹Целиот Израел да го чуе тоа и да се исплаши, и нема во иднина да прави пред тебе такво зло.

¹²Ако чуеш за некој од градовите твои, што Господ, твојот Бог, ти ги дава за да се населиш во нив,

¹³дека во него се појавиле нечесни луѓе пред тебе И ги соблазниле сите жители на нивниот град, велејќи; ‚ајде да им служиме на други богови, кои вие не ги познавате‘, —

¹⁴ти испитај и дознај добро: и ако е тоа чиста вистина, дека е направена таква одвратност меѓу вас,

¹⁵погуби ги нив и жителите на тој град со сечилото на мечот, проколни го него и си што е во него;

¹⁶а сите добра од него собери ги среде плоштадот негов и изгори го со оган градот и сите добра од него пред целиот народ, пред Господа, твојот Бог, и да биде тој вечно пуст, никогаш да не се обнови.

¹⁷И до ништо од проколнатото да не се допре раката твоја, за да ја скроти Господовата јарост, па да ти даде милост, да ти прости, и да те размножи, како што ти говореше тебе, кога им се заколна на татковците твои,

¹⁸штом го слушаш гласот на Господа, твојот Бог, извршувајќи ги сите заповеди Негови, што сега ти ги кажувам, и вршејќи добро и угодно пред очите на Господа, твојот Бог.«