Read Lamkang Второзаконие 14 Bible Online

Второзаконие 14 - Lamkang bible

Второзаконие 14

¹Вие сте синови на Господа, вашиот Бог; не правете зарези на телото свое и не ја стрижете косата над очите свои за умрено;

²зашто вие сте свет народ на Господа, вашиот Бог, и Господ вас ве избра од сите народи, што се на земјата, за да бидете Негов народ.

³Не јади ништо нечисто.

⁴Свој добиток можете да јадете: телци од говедата, и јаганци од овците, и козли од козите;

⁵елен, срна, бивол, кошута, зебра и дива коза.

⁶Секое животно што има разделени копита и на двете копита длабок зарез, и добиток што прежива, јадете го.

⁷Од оние, што преживаат и имаат разделени копита со длабок зарез, не јадете само: камила, питом зајак и див зајак, зашто тие, иако преживаат, нивните копита не се разделени: тие се нечисти за вас;

⁸и свињата, оти, иако копитата и се разделени, но таа не прежива: таа е нечиста за вас; месото нивно не јадете го и до труповите нивни не се допирајте.

⁹Од сите водни животни јадете ги сите оние, што имаа перки и лушпи;

¹⁰а другите што немаа перки и лушпи, не јадете ги: тие се нечисти за вас.

¹¹Секоја чиста птица јадете ја;

¹²но од нив не треба да ги јадете овие: орелот, штркот, галебот,

¹³неситот, соколот, и сличните на нив;

¹⁴гавранот, врабецот, препелицата;

¹⁵чапјата, јастребот и сличните на нив;

¹⁶бувот, лилјакот и сличните на нив;

¹⁷гемот, лебедот, ивинот, катарактата и вдодот;

¹⁸штркот, гушавецот со породот негов, папуњакот и (лилјакот).

¹⁹Сите крилести лазачи се нечисти за вас, да не ги јадете.

²⁰Секоја чиста птица јадете ја.

²¹Не јадете ништо умрено; дај му го на придојдениот, што е во твоите градови; нека го јаде тој, или продај му го на туѓинецот, зашто ти си народ свет за Господа, твојот Бог. Не вари јагне во млекото на мајката негова.

²²Одделувај десеток од секој плод на семињата свои, род од нивите твои секоја година,

²³И јади пред Господа, твојот Бог, во место, што Он ќе го одбере, за да се призива вечно името Негово таму; принесувај десеток од пченицата твоја, од виното твое и од елејот твој, и првородените од воловите твои и од овците твои, и да се научиш да се боиш од Господа, твојот Бог, во сите денови.

²⁴Ако, пак, патот твој е долг, така што не ќе можеш да го принесеш тоа, бидејќи далеку е од тебе местото, што ќе го одбере Господ, твојот Бог, за да се призива таму името Негово, за да те благослови Господ, твојот Бог,

²⁵тогаш продај го тоа според цената и земи го среброто во рака и оди на местото, што ќе го одбере Господ, твојот Бог;

²⁶и со тоа сребро изнакупи сѐ, што душата ќе ти посака — волови, овци, вино, или сикар и сѐ друго што душата ќе ти посака; и јади таму пред Господа, твојот Бог, и развесели се ти и домот твој.

²⁷И левитот, кој е во твојот град, не го изоставај, бидејќи тој нема ни дел ни наследство со тебе.

²⁸На крајот на секои три години изнеси ги сите десетоци од житото твое во текот на последната година и стави го тоа во градовите свои,

²⁹па нека дојде ливитот, бидејќи тој нема дел и наследство со тебе, и придојдениот и сиромавиот и вдовицата, што се во твоите градови, и нека јадат и нека се наситат за да те благослови Господ, твојот Бог, во секоја работа, што ќе ја вршат рацете твои.