Read Lamkang Второзаконие 24 Bible Online

Второзаконие 24 - Lamkang bible

Второзаконие 24

¹Ако некој земе жена и поживее со неа, но таа не добие милост во очите негови, бидејќи нашол кај неа срамна работа, па ѝ напише писмо за развод, и ѝ го даде во рацете нејзини, и ја испрати од куќата своја,

²а таа откако ќе излеззе од куќата негова, се омажи за друг,

³па, ако и тој маж ја намрази и ѝ напише писмо за развод, и ѝ го даде во рацете најзини, и ја испрати од куќата своја, или пак тој, вториот маж, што ја зел за жена, умре, —

⁴тогаш првиот маж нејзин, откако ја напуштил, не може пак да ја земе за жена по нејзиното осквернување, зашто тоа е одвратно пред Господа, твојот Бог: не осквернувај ја земјата, што ви ја дава Господ, вашиот Бог, во наследство.

⁵Ако некој скоро се оженил, нека не оди во војска, и да не му се наложува никаква работа; нека остане тој слободен во домот свој цела година и нека ја весели жената своја, што ја зел.

⁶Никој да не зема во залога ни горен ни долен воденички камен, бидејќи таквиот во залог зема душа.

⁷Ако биде фатен некој дека украл некого од браќата свои, од синовите Израилеви, и го заробил и го продал, таквиот злочинец да биде предаден на смрт: така истребувајте го злото од самите себе.

⁸При болеста лепра гледај внимателно да пазиш и да го исполнуваш целиот закон, што ќе ви го кажат свештениците левити; исполнувај го грижливо, она што сум ви го заповедал;

⁹помни, што ѝ направи Господ, твојот Бог, на Маријам по патот, кога бевте излегле од Египет.

¹⁰Кога ќе дадеш нешто во заем на ближниот свој, не оди дома кај него, за да земаш од него залог,

¹¹туку почекај надвор, а човекот, кому си му дал заем, ќе ти го изнесе залогот надвор;

¹²ако е, пак, човекот сиромав, да не преноќева залогот негов кај тебе;

¹³врати му го залогот на зајдисонце, за да спие со облеката своја и да те благослови; тоа ќе ти се смета за милост пред Господа, твојот Бог.

¹⁴Не оставај го без награда бедниот и сиромавиот од твоите браќа или од придојдените, кои се во градовите твои;

¹⁵предај му ја наградата во истиот ден, пред да зајде сонцето, бидејќи тој е беден, и на неа се надева, за да не повика против тебе кон Господа, за да не падне гнев врз тебе.

¹⁶Татковците да не бидат осудувани на смрт заради децата, и децата да не бидат казнувани со смрт поради татковците; секој да биде казнет со смрт за својот грев.

¹⁷Не загорчувај го поминот на придојдениот, сиромавиот и вдовицата, и од вдовица не земај облека во залог;

¹⁸сети се, дека и ти беше роб во Египет, и Господ, твојот Бог, те ослободи оттаму: затоа и ти заповедам да ги исполнуваш овие наредби.

¹⁹Кога жнееш на нивата своја во твоето поле и заборавиш сноп на нивата твоја, не враќај се да го земеш: тој нека остане за придојдениот, и сиромавиот, и вдовицата, за да те благослови Господ, твојот Бог, во сите работи на рацете твои.

²⁰Кога ги береш маслинките свои, не враќај се да ги добереш останатите: тие нека останат за придојдениот, сиромавиот и вдовицата. Па сети се дека и ти беше роб во Египетската земја: затоа и ти заповедам да го правиш ова.

²¹Кога го береш лозјето свое, не го бери докрај она што ќе остане по тебе: нека остане тоа за дојдениот, сиромавиот и вдовицата;

²²и не заборави, дека и ти беше роб во Египетската земја: затоа и ти заповедам да го правиш ова.