Read Lamkang Римјаните 14 Bible Online

Римјаните 14 - Lamkang bible

Римјаните 14

¹Слабиот во вера примајте го без расправии за мислењата,

²оти некој верува дека може да јаде сѐ, а немошниот јаде зелје.

³Кој јаде, нека не го укорува оној, што не јаде; и кој не јаде, нека не го осудува оној, што јаде, бидејќи Бог го примил.

⁴Кој си ти што му судиш на туѓ слуга? Пред својот господар тој стои или паѓа. Но ќе биде исправен, зашто Бог е моќен да го исправи.

⁵Така, еден разликува ден од ден, а друг сите денови ги смета еднакви. Секој нека остане уверен во својата мисла.

⁶Оној, што ги разликува деновите, ги разликува за Господа; и кој не ги разликува деновите, за Господа не ги разликува. Кој јаде, за Господа јаде, зашто Му благодари на Бога; и кој не јаде, за Господа не јаде, и Го фали Бога.

⁷Зашто никој од нас не живее за себеси и никој не умира за себеси;

⁸туку, живееме ли — за Господа живееме, умираме ли — за Господа умираме; според тоа — живееме ли, умираме ли — Господови сме.

⁹Бидејќи Христос затоа и умре и воскресна и оживе, за да господари и над мртвите и над живите.

¹⁰А ти, зошто го осудуваш братот свој! Или ти, што го укоруваш братот свој? Зашто сите ќе застанеме пред судот Христов.

¹¹Оти е напишано: »Жив сум Јас, вели Господ, пред Мене ќе се преклони секое колено и секој јазик ќе Го исповеда Бога«.

¹²И така, секој од нас ќе одговара пред Бога за себе.

¹³Затоа, пак, да не судиме еден друг, а подобро судете за тоа — на брата си да не му поставувате сопка или соблазан.

¹⁴Знам и уверен сум преку Господа Исуса Христа дека нема ништо нечисто само по себе; освен кога некој мисли дека е нешто нечисто, за него тоа е нечисто.

¹⁵А ако, пак, братот твој е огорчен поради јадење, ти веќе не постапуваш според љубовта. Не погубувај го со своето јадење оној, за кого Христос умре.

¹⁶Гледајте да не се хули на вашето добро.

¹⁷Оти царството Божјо не е јадење или пиење, туку правда и мир и радост во Светиот Дух.

¹⁸Зашто, оној кој Му служи на Христа со овие работи, тој Му е угоден на Бога и мил на луѓето.

¹⁹И така, да го бараме она, што служи за мир и заемно подобрување еден на друг.

²⁰Поради јадење не уривај го делото Божјо. Сѐ е чисто, а тешко е за оној човек, кој јадејќи се соблазнува;

²¹подобро е да не јадеш месо, да не пиеш вино и да не правиш ништо, од кое братот твој се сопнува, или се соблазнува, или, пак, слабее.

²²Имаш ли вера? Имај си ја за себе пред Бога. Блазе на оној, кој не се осудува себеси за она што нашол дека е добро.

²³А кој се сомнева, ако јаде, осуден е; зашто не јаде со вера; а сѐ што не е според верата, грев е.

²⁴А на оној, Кој може да ве утврди според моето благовестие и проповедта за Исуса Христа, според откровението на тајната што е замолчувана досега од вечни времиња,

²⁵а објавена сега, преку Писмата пророчки, и по заповед на вечниот Бог известена на сите народи поради покорност на верата,

²⁶односно на Единиот премудри Бог, а преку Исуса Христа, нека е слава во сите векови. Амин!