Read Lamkang Римјаните 3 Bible Online

Римјаните 3 - Lamkang bible

Римјаните 3

¹Па, по што се подобри Јудејците од другите луѓе или што им помага обрезанието?

²Предимството е големо во секој однос, а главно во тоа, што ним им е поверено словото Божјо.

³Па што, ако некои не поверувале? Зар нивното неверување ќе ја уништи Божјата вера?

⁴Никако! Да признаеме дека Бог е верен, а секој човек лажец, како што е напишано: »За да се оправдаш во зборовите Свои, и да победиш кога си во суд«.

⁵Ако, пак, нашата неправда ја покажува Божјата правда, што ќе речеме тогаш? Зар Бог е несправедлив, кога се гневи? Човечки зборувам.

⁶Никако! Зашто, како Бог ќе му суди на светот?

⁷Оти, ако вистината Божја се возвеличува преку мојата лага за слава Негова, па зошто тогаш мене да ме судат како грешник?

⁸Не бива ли тогаш да правиме зло, та да излезе на добро, како што некои хулат на нас и велат дека така учиме? Тие се справедливо осудени.

⁹И така, какво предимство имаме? Никакво, оти веќе ги обвинивме, како Јудејците, така и Елините, дека се сите под грев,

¹⁰како што е напишано: »Нема ниеден праведен,

¹¹нема ниеден разумен, нема кој да Го бара Бога;

¹²сите се отстранија, заедно станаа негодни: нема кој да прави добро, нема ниеден«.

¹³Грлото нивно — отворен гроб; со јазиците свои мамат; под јазиците нивни — змиски отров,

¹⁴устата нивна е полна со клетва и горчина.

¹⁵Нозете нивни им се брзи за проливање крв;

¹⁶пустош и маки по нивните патишта;

¹⁷тие не го познаа патот на мирот.

¹⁸Страв Божји нема пред очите нивни.

¹⁹Знаеме дека она, за што зборува Законот, се однесува на оние, што се под Законот, за да се затворат устите на сите, и така целиот свет да стане виновен пред Бога,

²⁰зашто преку делата на Законот пред Него нема да се оправда ниедна плот; бидејќи преку Законот се познава гревот.

²¹А сега без Закон се јави Божјата правда, посведочена од Законот и Пророците.

²²Божјата правда преку верата во Исуса Христа е во сите и врз сите оние што веруваат; зашто нема разлика:

²³сите згрешија и се лишени од славата Божја.

²⁴Но ќе се оправдаат преку дар, со Божјата благодат, а преку откупот во Христа Исуса,

²⁵Кого Бог Го определи со крвта Своја да биде милостивна жртва преку верата, за да ја покаже Својата правда во опростувањето на поранешните гревови, во времето на Божјото долготрпение,

²⁶та да ја покаже Својата правда во сегашно време, дека е Он справедлив и дека го оправдува секого што верува во Исуса.

²⁷Каде е, пак, фалбата? Таа е исклучена. Според кој закон? Според оној на делата ли? Не, туку според законот на верата.

²⁸И така, си мислиме дека човекот се оправдува со верата, без дела според Законот.

²⁹Или Бог е пак само на Јудејците, а не и на незнабошците? Се разбира, и на незнабошците,

³⁰бидејќи еден е Бог, Кој ќе ги оправда обрезаните по вера и необрезаните преку вера.

³¹И така, го нарушуваме ли Законот преку верата? Никако, туку уште го утврдуваме.