Read Lamkang 1. Коринтјаните 10 Bible Online

1. Коринтјаните 10 - Lamkang bible

1. Коринтјаните 10

¹Браќа, не сакам да не знаете дека татковците наши сите беа под облак и сите минаа преку морето;

²и сите во Мојсеја се крстија во облакот и во морето;

³и сите јадеа иста духовна храна;

⁴и сите пиеја исто духовно пиење; оти пиеја од духовниот камен, што идеше по нив; а каменот беше Христос.

⁵Но повеќето од нив не беа по волјата Божја, бидејќи загинаа во пустињата.

⁶А тоа беа примери за нас, за да не бидеме похотливи на злото, како што тие беа похотливи.

⁷Не станувајте ниту идолослужители, како некои од нив, за кои е напишано: »Народот седна да јаде и да пие, па стана да игра«.

⁸Ниту, пак, да блудствуваме, како некои од нив што блудствуваа, и во еден ден загинаа дваесет и три илјади.

⁹Ни, пак, да го искушуваме Христа, како што некои од нив Го искушуваа, и загинаа од змии.

¹⁰Не роптајте, како што некои од нив роптаа, па загинаа од Истребителот.

¹¹Сето тоа стануваше, та да служат како пример, а беше напишано за поука на нас, до кои стигна крајот на вековите.

¹²Затоа, кој мисли дека стои, нека гледа да не падне.

¹³Друго искушение вас не ве постигна, освен човечкото; но верен е Бог, Кој нема да позволи да бидете искушувани повеќе од силата ваша, а заедно со искушението ќе ви даде и излез, за да можете да трпите.

¹⁴Затоа, возљубени мои, одбегнувајте го служењето на идолите.

¹⁵Ви зборувам како на мудри: расудете сами за ова што ви го кажувам.

¹⁶Чашата на благословот, која ја благословуваме, не е ли општување со крвта Христова? Лебот што го кршиме, не е ли општување со телото Христово?

¹⁷Бидејќи лебот е само еден, едно тело сме ние многуте, зашто сите се причестуваме од еден леб.

¹⁸Гледајте го Израилот по тело: оние, што јадат од жртвите, не се ли во заедница со жртвеникот?

¹⁹Па што да речеме? Тоа ли дека идолот е нешто, или дека идолските жртви се нешто?

²⁰Не! Но она што го принесуваат незнабошците како жртва, го принесуваат на бесови, а не на Бога; јас, па, не сакам да бидете во заедница со бесовите.

²¹Не можете да пиете од Господова чаша и од бесовска чаша; не можете да учествувате на Господовата трпеза и на бесовската трпеза.

²²Или, пак, ќе побудиме ревнување во Господа? Та посилни ли сме од Него?

²³Сѐ ми е позволено, но не е сѐ полезно; сѐ ми е позволено, но не е сѐ за поука.

²⁴Никој нека не ја бара својата полза, туку ползата на ближниот.

²⁵Сѐ, што се продава на пазар, јадете без какво и да било испитување поради совеста;

²⁶зашто »Господова е земјата и она што ја исполнува«.

²⁷Ако ве покани некој од неверните и вие посакате да отидете, јадете сѐ, што ќе ви изнесат, без никакво испитување, поради совеста.

²⁸Но, ако некој ви рече: тоа е идолска жртва, не јадете — заради оној, што ви го рекол тоа, и поради совеста; зашто Господова е земјата и она, што ја исполнува.

²⁹Но не зборувам за совеста твоја, туку на друг; оти, бива ли мојата слобода да биде судена од туѓа совест?

³⁰Ако, пак, во јадењето учествувам со благодарност, зошто да бидам хулен поради тоа, за кое благодарам?

³¹И така, јадете ли, пиете ли, или нешто друго правите, сето тоа правете го за слава Божја.

³²Не станувајте соблазан ни за Јудејците, ни за Елините, ниту за црквата Божја,

³³како што и јас им угодувам на сите во сѐ и не ја барам својата полза, туку користа на многуте, за да се спасат тие.