Read Lamkang 1. Коринтјаните 16 Bible Online

1. Коринтјаните 16 - Lamkang bible

1. Коринтјаните 16

¹А што се однесува до собирањето милостиња за светиите, правете и вие онака, како што уредив по црквите во Галатија:

²во секој прв ден од седмицата секој од вас да оддели и остави при себеси колку што може, така што собирањето да не се врши кога ќе дојдам.

³А кога ќе дојдам, оние што ќе ги предложите, нив со писма ќе ги испратам, за да ја однесат вашата милостиња во Ерусалим.

⁴Ако, пак, се најде за сходно да отидам и јас, тогаш ќе појдат со мене.

⁵Ќе дојдам при вас, откако пропатувам по Македонија, оти ќе минам преку Македонија.

⁶А можеби при вас и ќе се задржам, па дури и да презимувам, та вие да ме придружувате насекаде, каде што ќе одам.

⁷Оти не сакам сега веќе да ве видам само патем; а се надевам, ако позволи Господ, меѓу вас да поминам некое време.

⁸А во Ефес ќе останам до Педесетница,

⁹зашто за мене се отвори голема и за работа погодна врата, а противниците се многу.

¹⁰Ако, пак, дојде Тимотеј, гледајте помеѓу вас да биде во безопасност; зашто тој го врши делото Господово како и јас.

¹¹Никој да не го унизи, туку испратете го со мир, та да дојде при мене, оти го очекувам со браќата.

¹²А што се однесува до братот Аполос, многу го молев да дојде при вас со браќата; но, навистина, не сакаше сега да дојде, а ќе дојде, кога ќе му биде згодно.

¹³Бидете бодри, стојте во верата, бидете мажествени, бидете крепки;

¹⁴кај вас сѐ да станува со љубов.

¹⁵Ве молам уште, браќа: знаете дека домот на Стефанин е почеток во Ахаја и дека се определи да им служи на светиите.

¹⁶Покорувајте им се и вие на такви и на секого, кој што помага и се труди!

¹⁷Се радувам дека дојдоа Стефанин, Фортунат и Ахаик: тие го пополнија вашето отсуство,

¹⁸зашто го успокоија духот мој и ваш. Почитувајте ги таквите!

¹⁹Ве поздравуваат азиските цркви; многу ве поздравуваат Акила и Прискила со својата домашна црква.

²⁰Ве поздравуваат сите браќа. Поздравете се еден со друг со свет целив!

²¹Ве поздравувам јас, Павле, своерачно.

²²А оној што не Го љуби Господа Исуса Христа, нека биде проклет, маран-ата.

²³Благодатта на Господа Исуса Христа нека биде со вас,

²⁴и љубовта моја со сите вас во Христа Исуса. Амин!