Read Lamkang 1. Коринтјаните 8 Bible Online

1. Коринтјаните 8 - Lamkang bible

1. Коринтјаните 8

¹Што се однесува, пак, до месото клано за идоли, мислам дека сите имаме разум. Умот возгордува, а љубовта изградува.

²Ако некој мисли дека нешто знае, тој уште ништо не узнал, како што треба да знае.

³Ако, пак, некој Го сака Бога, Бог него го знае.

⁴А по однос јадењето на идолски жртви, знаеме дека идолот не е ништо на светов и дека друг Бог нема, освен Единиот.

⁵Зашто, иако само по име има богови, било на небото, било на земјата, како што има многу богови и многу господиновци,

⁶сепак ние имаме само еден Бог Отец, од Кого е сѐ, и ние сме во Него, и еден Господ Исус Христос, преку Кого е сѐ и ние сме преку него.

⁷Но, во секого нема знаење: некои според досегашното знаење за идолите јадат жртви идолски како такви, а совеста нивна, бидејќи немоќна, им се осквернува.

⁸Храната не нѐ приближува кон Бога, оти ниту што добиваме, ако јадеме, ниту нешто губиме, ако не јадеме.

⁹Но пазете се, пак, таа ваша слобода да не стане некако соблазан за слабите.

¹⁰Зашто ако некој те види тебе, што знаеш, како седиш на трпеза во идолопоклонички храм, нема ли неговата совест, бидејќи слаба, да се одлучи, та и тој да јаде идолски жртви?

¹¹И при твоето знаење ќе загине немоќниот браат, за кого умрел Христос.

¹²И така, грешејќи против браќата и ранувајќи ја нивната слаба совест, вие грешите против Христа.

¹³Затоа, штом храната го соблазнува мојот брат, тогаш нема никогаш да јадам месо, за да не го соблазнувам својот брат.