Read Lamkang 2. Коринтјаните 13 Bible Online

2. Коринтјаните 13 - Lamkang bible

2. Коринтјаните 13

¹Ова е третпат како веќе доаѓам при вас: »Од устата на двајца или тројца сведоци ќе се потврди секој збор.«

²Порано реков и велам, како кога бев по вторпат, и сега, кога не сум при вас, им пишувам на оние што порано погрешија, и на сите други, дека, кога ќе дојдам пак, нема да штедам;

³вие барате докази за Христа, Кој зборува во мене; Он не е бессилен меѓу вас, туку е силен меѓу вас.

⁴Оти, иако по слабоста распнат, Он е жив по силата Божја; бидејќи сме и ние слаби во Него, но ќе бидеме живи со Него, преку силата Божја меѓу вас.

⁵Испитувајте се сами себе дали сте во верата! Сами испитувајте се! Или не сте свесни дека Исус Христос е во вас? Освен, само ако сте недостојни.

⁶А за нас, се надеваме дека ќе разберете, оти ние не сме недостојни.

⁷Му се молиме на Бога да не правите никакво зло; не да се покажеме ние како достојни, туку вие да вршите добро, а ние како недостојни да останеме.

⁸Оти ние сме силни не против вистината, туку за вистината.

⁹Се радуваме кога ние слабееме, а вие јакнете. А за тоа и Му се молиме на Бога, за вашето усовршување.

¹⁰Овие работи ви ги пишувам, не наоѓајќи се при вас; па, кога ќе дојдам при вас, да не употребам строгост според власта, која ми ја даде Господ, за издигање, а не за растурање.

¹¹И така, браќа, радувајте се, усовршувајте се, утешувајте се, бидете едномислени, живејте во мир — и Бог на љубовта и на мирот ќе биде со вас.

¹²Поздравете се еден со друг преку свет целив. Ве поздравуваат сите светии.

¹³Благодатта на нашиот Господ Исус Христос и љубовта на Бога и Отецот и заедништвото на Светиот Дух нека бидат со сите вас. Амин!