Read Lamkang 2. Коринтјаните 4 Bible Online

2. Коринтјаните 4 - Lamkang bible

2. Коринтјаните 4

¹Затоа, имајќи го по милоста Божја ова служење, ние со духот не паѓаме;

²но се одрековме од тајните срамни дела за да не живееме во лукавство, ниту да го изопачуваме словото Божјо, туку со јавувањето на вистината да се покажеме на секоја човечка совест пред Бога.

³Ако, пак, е покриено нашето благовестие, тоа е покриено за оние што гинат;

⁴ним богот од овој свет им ги заслепил умовите нивни, за да не ги осветли светлината на Благовестието за славата на Христа, Кој е образ на невидливиот Бог.

⁵Оти ние себе не проповедаме, туку Христа Исуса Господа; што се однесува, пак, до нас, ние сме ваши слуги поради Исуса.

⁶Оти Бог, Кој некогаш заповеда од темнината да изгрее светлина, Он ги озари срцата наши за да биде познанието на славата Божја во лицето на Исуса Христа светло.

⁷Но таа ризница ја носиме во глинени садови, та преизобилната сила да Му се оддава на Бога, а не нам.

⁸Во сѐ сме навредувани, но не сме притеснети; во тешкотии сме, не губиме надеж;

⁹нѐ гонат, но не сме изоставени; нѐ кутнуваат, но ние не загинуваме.

¹⁰И секогаш во телото наше ја носиме смртта на Господа Исуса, така што и животот Исусов да се открие во телото наше.

¹¹Зашто ние, живите, постојано се изложуваме на смрт заради Исуса, та и животот Исусов да се открие во нашето смртно тело,

¹²така што смртта да дејствува во нас, а животот — во вас.

¹³Имајќи го, пак, тој ист дух на верата, како што е напишано: »Поверува и затоа зборува«, и ние веруваме, па затоа и зборуваме,

¹⁴знаејќи, дека Кој го воскресна Господа Исуса и нас ќе нѐ воскресне преку Исуса и ќе нѐ постави со вас.

¹⁵Зашто сѐ е заради вас, та благодатта, откако се преумножи, преку мнозина да произведе уште поголема благодарност за славата Божја.

¹⁶Затоа ние не паѓаме со духот; но, ако нашиот надворешен човек тлее, внатрешниот од ден на ден се подновува.

¹⁷Зашто нашите сегашни лесни страдања ни донесуваат во голема изобилност вечна и полна слава,

¹⁸имајќи го предвид не видливото, туку невидливото, бидејќи видливото е времено, а невидливото — вечно.