Read Lamkang 2. Коринтјаните 6 Bible Online

2. Коринтјаните 6 - Lamkang bible

2. Коринтјаните 6

¹Бидејќи сме соработници Христови, ние ве молиме, да не ја примате напразно благодатта Божја.

²Зашто е речено: »Во благопријатно време те чув и во денот на спасението ти помогнав«. Еве, сега е времето благопријатно; ете, сега е денот на спасението!

³Никому никаков повод не даваме, за да не се напаѓа нашата служба,

⁴туку во сѐ се препорачуваме за служители Божји, со големо трпение, во неволи, во нужди, во тескоби,

⁵при рани, во темници, во скитања, во напори, во бденија, во пости,

⁶со чистота, со знаење, со долготрпеливост, со добрина, со Духот Свети, со нелицемерна љубов,

⁷со проповед на вистината, со сила Божја, со оружјето на правдата во десна и во лева рака,

⁸при чесност и бесчесност, при укори и пофалби; нѐ сметаат за измамници, а ние сме вистинити;

⁹за непознати, а добро сме познати; нѐ држат како да сме на умирање, а еве — живи сме; нѐ казнуваат, но не можат да нѐ умртват;

¹⁰нѐ нажалуваат, а ние сме секогаш весели; нѐ сметаат за бедни, а мнозина обогатуваме; како ништо да немаме, а сѐ имаме.

¹¹Устата наша е отворена за вас, Коринтјани, и срцето наше се раширува.

¹²Вам не ви е тесно со нас, но тесно ви е во срцата ваши.

¹³За еднаква отплата ви зборувам како на чеда: бидете и вие широки.

¹⁴Не впрегнувајте се заедно со неверниците; зашто, какво општување постои меѓу правдата и беззаконието? Што воопшто има меѓу светлината и темнината?

¹⁵Какво согласие може да има меѓу Христа и Велијар? Или, што општо има меѓу верник и неверник?

¹⁶Каква сличност има храмот Божји со идолите? Вие сте храм на живиот Бог, како што рекол Бог: »Ќе се вселам во нив и ќе одам меѓу нив; ќе им бидам Бог, а тие ќе бидат Мој народ.«

¹⁷»Затоа излезете од нивната средина и одделете се!« Вели Господ, и »Не допирајте се до нечисто, и Јас ќе ве примам!

¹⁸И јас ќе ви бидам Отец, а вие ќе Ми бидете синови и ќерки«, вели Господ Седржителот.