Read Lamkang 2. Коринтјаните 8 Bible Online

2. Коринтјаните 8 - Lamkang bible

2. Коринтјаните 8

¹Браќа, ве известуваме за благодатта Божја, дадена на црквите македонски,

²дека при поднесувањето на многу маки нивната радост беше изобилна; и при својата голема сиромаштија покажаа големо богатство на својата добродушност,

³зашто според можностите нивни, јас сум сведок, а и преку нив, тие даваа доброволно;

⁴нѐ молеа необично многу, да го примиме нивниот дар и учеството во прислужувањето на светиите;

⁵и тоа не како што се надевавме, туку тие најнапред сами себе Му се предадоа на Господа, а потоа и на нас, по волјата Божја.

⁶Затоа го замоливме Тит, онака како што беше почнал порано, така и при вас да го заврши тоа добро дело.

⁷И како што сѐ изобилува во вас: верата и словото, разумот и секоја усрдност и љубовта ваша кон нас, така нека изобилува во вас и таа добродетел.

⁸Ова ви го велам не како заповед, туку преку усрдноста на другите да ја испитам искреноста и на вашата љубов.

⁹Бидејќи вие ја знаете милоста на нашиот Господ Исус Христос дека Он, бидејќи богат, осиромаши поради вас, та и вие да се збогатите преку Неговата сиромаштија.

¹⁰А со ова ви давам совет, зашто тоа е полезно за вас, кои не само го правевте, туку и почнавте да сакате да го правите уште од минатата година.

¹¹А сега довршете го започнатото дело, та, како што имаше усрдност во вашето барање, така усрдно нека биде и неговото довршување според средствата.

¹²Оти, ако некој има добра волја, мил е по она што го има, а не по она што го нема.

¹³Зашто не сакам на другите да им биде лесно, а вам — тешко, туку подеднакво:

¹⁴сегашниот ваш одвишок да го дополни нивниот недостиг, та и нивниот одвишок да послужи за вашиот недостиг, па да има еднаквост,

¹⁵како што е напишано: »Кој собрал многу, немал одвишок; и кој малку, немал недостиг«.

¹⁶Да Му благодариме на Бога, Кој во срцето на Тит вложи таква грижа за вас.

¹⁷Вистина, јас го молев, но тој, бидејќи многу ревносен, доброволно тргна кон вас.

¹⁸Со него испративме еден брат, пофалуван за неговото благовестие по сите цркви;

¹⁹и не само тоа, туку и избран од црквите, за да нѐ придружува во тоа добро дело, на кое му служиме за слава на Самиот Господ и за вашата добра волја,

²⁰пазејќи се, да не би некој да нѐ укори поради обилните приноси, за чие собирање се грижиме ние.

²¹Оти ние се трудиме за доброто не само пред Господа, туку и пред луѓето.

²²Со нив го испративме и нашиот брат, чија ревност многупати сме ја испитале во многу работи, и кој сега е уште поревносен поради големата увереност во нас.

²³Што се однесува до Тит, тој е мој другар и сотрудник помеѓу вас; а по однос на нашите браќа, тие се пратеници на црквите. Христова слава.

²⁴И така, посведочете им ја вашата љубов и пофалбите наши за вас, како ним, така и пред црквите.