Read Lamkang 2. Коринтјаните 9 Bible Online

2. Коринтјаните 9 - Lamkang bible

2. Коринтјаните 9

¹Во врска со помагањето на светиите сметам дека не треба да ви пишувам,

²зашто ја знам вашата ревност, за која се фалам со вас пред Македонците дека Ахаја приготвила помош уште од лани; и вашата ревност поттикна мнозина.

³А браќата ги испратив, та да не би нашата пофалба за вас да излезе овој пат напразно, туку како што зборував, бидете приготвени.

⁴Па, ако дојдат со мене Македонци и ве најдат неприготвени, да не би да останеме посрамени ние — за да не велиме вие, откако ве пофаливме со таква увереност.

⁵Затоа сметав за потребно браќата да ги замолам да дојдат лично кај вас и да се погрижат порано, така што најавената ваша милостиња да се покаже како плод на благослов, а не на лакомство.

⁶Ова, пак, ви го велам: кој скржаво сее, скржаво ќе жнее; а кој богато сее, богато и ќе жнее.

⁷Секој да дава од сѐ срце, а не со жал или принуда; оти Бог го љуби оној што од срце дава.

⁸А Бог е силен да умножи во вас секаква благодат, та, имајќи секогаш доволно сѐ, да бидете од сѐ срце дарежливи во секое добро дело,

⁹како што е напишано: »Растури, им даде на сиромашните; правдата Негова останува вечна«.

¹⁰А Оној, Кој му дава на сеачот семе, ќе му даде и леб за храна; Он ќе го умножи и семето ваше, и ќе ви даде да израсте житото на вашата правда,

¹¹па во сѐ да се збогатите за секаква дарежливост, која преку нас предизвикува благодарност кон Бога.

¹²Бидејќи извршувањето на таа служба не само што ги надополнува недостатоците на светиите, туку и во мнозина предизвикува обилна благодарност кон Бога;

¹³и тие, користејќи ги плодовите од таа служба, Го прославуваат Бога за вашето покорно признавање на Евангелието Христово, и за простосрдечната заедница, со нив и со сите други;

¹⁴и се молат за вас, бидејќи многу ве сакаат, за преизобилната благодат Божја во вас.

¹⁵Да Му благодариме на Бога за Неговиот неискажан дар!