Read Lamkang Галатјаните 5 Bible Online

Галатјаните 5 - Lamkang bible

Галатјаните 5

¹Стојте така во слободата, со која Христос нѐ ослободи, и не се подавајте пак под ропски јарем!

²Еве, јас, Павле, ви велам: ако се обрезувате, Христос ништо нема да ви помогне.

³А му сведочам пак на секој човек, кој што се обрезува, дека тој е должен да го извршува целиот Закон.

⁴Вие, што посакавте да се оправдувате со Законот, Го изгубивте Христа, отпаднавте од благодатта;

⁵а ние се надеваме и очекуваме оправдание од верата преку Духот.

⁶Зашто во Христа Исуса ниту обрезанието има сила, ниту необрезанието, туку верата, која што дејствува преку љубовта.

⁷Вие трчавте добро: кој ви попречи, та да не се покорувате на вистината?

⁸Тоа одвраќање не е од Оној, Кој ве повика.

⁹Малку квас го потквасува целото тесто.

¹⁰Јас се надевам за вас во Господа дека вие нема да мислите инаку; а оној, кој ве возмутува — кој и да бил — ќе претрпи осуда.

¹¹А јас, браќа, ако обрезанието уште го проповедам, тогаш за што ќе ме гонат? Тогаш би се поништила соблазната од крстот.

¹²О, да беа отсечени оние, што ве бунеа!

¹³Вие, браќа, повикани сте кон слобода; но слободата ваша да не ви служи како повод за угодување на телото, туку со љубов служете си еден на друг.

¹⁴Оти, целиот Закон се извршува во еден збор, односно: сакај го ближниот како самиот себе.

¹⁵А ако, пак, меѓу себе се гризете и јадете, пазете да не се истребите еден со друг.

¹⁶Ви велам: живејте по Духот, и желбите на телото ваше нема да ги извршувате.

¹⁷Оти, телото сака противни работи на духот, а духот — противни на телото; тие се еден против друг, за да не го правите она, што сакате.

¹⁸Ако ве води Духот, вие не сте под Законот.

¹⁹Делата на телото се познати. Тие се: прељубодејство, блудство, нечистотија, бесрамност,

²⁰служење на идоли, магии, непријателство, кавги, ревнувања, гнев, расправии, несогласности, ереси,

²¹зависти, убиства, пијанство, срамни гостувања и други слични работи; однапред ви велам, како што ви реков и порано, дека оние што го прават тоа, нема да го наследат царството Божјо.

²²А плодот на Духот е: љубовта, радоста, мирот, долготрпеливоста, добротата, милосрдноста, верата,

²³кротоста, воздржливоста. Против такви нема закон.

²⁴Оние, пак, кои се Христови, го распнаа телото свое со страстите свои и похотите.

²⁵Ако живееме со Дух, по Духот сме должни и да постапуваме.

²⁶Да не бараме лажна слава, еден друг да не предизвикуваме, еден на друг да не завидуваме.