Read Lamkang Ефесјаните 1 Bible Online

Ефесјаните 1 - Lamkang bible

Ефесјаните 1

¹Од Павла, по волјата Божја апостол на Исуса Христа, до светиите, што се во Ефес, и до верните во Исуса Христа:

²благодат и мир на вас од Бога, нашиот Отец, и Господа Исуса Христа!

³Нека биде благословен Бог и Отецот на нашиот Господ Исус Христос, Кој нѐ благослови во Христа, со секаков духовен благослов од небесата,

⁴како што и нѐ избра преку Него, уште пред светот да се создаде, за да бидеме свети и непорочни пред Него во љубовта,

⁵откако предопредели да нѐ посини за Себе преку Исуса Христа, по благоволение на Својата волја,

⁶за да биде фалена славата на Неговата благодат, со која нѐ облагодати преку Својот Возљубен Син,

⁷во Кого имаме откуп преку Неговата крв, прошка на гревовите по богатството на Неговата благодат.

⁸Таа благодат Он ни ја даде изобилно во секоја премудрост и разум,

⁹откако ни ја откри тајната на Својата волја според Своето благоволение, што го беше од порано положил во Себеси,

¹⁰во уредувањето и извршувањето на времињата, за да соедини сѐ небесно и земно под една глава — во Христа.

¹¹Преку Него ние бевме избрани за наследници, однапред определени по наредбата на Бога, Кој врши сѐ според волјата Своја,

¹²за да послужиме како пофалба на славата Негова ние, кои од порано се надевавме на Христа.

¹³Во Него и вие, откако го чувте словото на вистината — Благовестието за вашето спасение — и откако поверувавте во Него, станавте запечатени преку ветениот Свети Дух,

¹⁴Кој е залог за нашето наследство, та да се откупи Неговото достоинство за пофалба на Неговата слава.

¹⁵Ете, затоа и јас, кога чув за вашата вера во Христа Исуса, и за љубовта кон сите светии,

¹⁶не престанувам да Му благодарам на Бога, спомнувајќи ве во молитвите свои,

¹⁷та Бог на нашиот Господ Исус Христос, Отецот на славата, да ви даде дух на мудрост и откровение, за да Го познаете,

¹⁸и да ги просвети очите на срцата ваши, за да увидите, во што се состои надежта на повиканите од Него, колкаво е богатството на славата од наследството Негово во светиите,

¹⁹и колку е неизмерна величината на Неговата сила во нас, кои веруваме преку дејството на Неговата крепка сила.

²⁰Таа сила Он ја покажа во Христа, кога Го воскресна од мртвите и Го постави од Својата десна страна на небесата,

²¹повисоко од секое началство, власт, сила и господство и од секое име, со кое се именуваат не само во овој свет, туку и во идниот,

²²и сѐ Му покори под Неговите нозе и Го постави глава над сите во Црквата,

²³која е Негово тело, полнота на Оној Кој исполнува сѐ во сѐ.