Read Lamkang Филипјаните 1 Bible Online

Филипјаните 1 - Lamkang bible

Филипјаните 1

¹Од Павла и Тимотеја, слуги на Исуса Христа, до сите светии во Христа Исуса, што се во Филипи, со епископите и ѓаконите:

²благодат и мир на вас од Бога, Отецот наш и од Господа Исуса Христа!

³Му благодарам на мојот Бог секогаш, кога си спомнувам за вас,

⁴— во секоја моја молитва се молам со радост за сите вас — ,

⁵односно за вашето учество во Благовестието од првиот ден дури досега,

⁶уверен во тоа дека Оној, Кој го започна во вас доброто дело, ќе го извршува дури до денот на Исуса Христа,

⁷како што е и право да го мислам тоа за сите вас, оти ве имам на срце — и кога сум во окови, и кога го бранам и утврдувам Благовестието, бидејќи сите вие сте ми соучесници во благодатта.

⁸Бог ми е сведок колку многу ве сакам сите вас со љубовта на Исуса Христа.

⁹И се молам вашата љубов сѐ повеќе и повеќе да изобилува преку познавањето и разбирањето на сѐ,

¹⁰за да разликувате што е подобро, та да бидете чисти и беспрекорни во денот на Христа,

¹¹исполнети со плодови на правдата преку Исуса Христа, за слава и пофалба на Бога.

¹²Сакам, браќа, да знаете дека тие работи, што ми станаа, ми помогнаа за поголем успех на Евангелието,

¹³така што моите окови во Христа станаа познати на целата преторија и на сите други;

¹⁴и повеќето од браќата на Господа, поттикнати од моите окови, почнаа посмело, без страв, да го проповедаат словото Божјо.

¹⁵Некои, навистина, од завист и препирки, а други од добра волја Го проповедаат Христа;

¹⁶едните, од желба да се препираат, Го проповедаат Христа нечисто, мислејќи дека ја увеличуваат тежината на моите окови;

¹⁷другите, пак проповедаат од љубов, знаејќи дека јас сум поставен да го бранам Евангелието.

¹⁸Но што од тоа? Како и да е, било дволично или искрено, Христос се проповеда; затоа се радувам и ќе се радувам,

¹⁹оти знам дека тоа ќе ми послужи за спасение со вашата молитва и преку дејството на Духот на Исуса Христа,

²⁰како што очекувам со нетрпение и се надевам дека во ништо нема да се посрамам, но при секоја слобода, како секогаш, и сега ќе се возвеличи Христос во моето тело — било преку животот, било преку смртта.

²¹Оти за мене живот е Христос, а смртта — придобивка.

²²Ако, пак, живеењето мое во тело ми придонесува плод на делото, тоа што да сакам повеќе, не знам.

²³Ме привлекува и едното и другото: сакам да умрам и да бидам со Христа, бидејќи тоа е многу подобро;

²⁴но да останам во телото е попотребно за вас.

²⁵Јас знам сигурно дека ќе останам и ќе пребивам со сите вас за ваш успех и радост во верата,

²⁶та пофалбата ваша во Христа Исуса да се умножува преку мене кога повторно ќе дојдам при вас.

²⁷Живејте само достојно за Христовото Евангелие, та, ако дојдам и ве видам, или отсуствувам, да чујам за вас дека стоите во еден дух, борејќи се еднодушно за евангелската вера,

²⁸и во ништо не плашете се од противниците; тоа е знак за нивната погибел, а вам — за спасение. И тоа е од Бога.

²⁹Оти вам ви се даде дар поради Христа не само да верувате во Него, туку и да страдате за Него,

³⁰борејќи се со истиот подвиг, каков што видовте во мене и сега слушате за мене.