Read Lamkang Филипјаните 3 Bible Online

Филипјаните 3 - Lamkang bible

Филипјаните 3

¹Но, браќа мои, радувајте се во Господа! Оти сѐ едно исто да ви пишувам, мене не ми е здодевно, а за вас тоа е сигурност.

²Пазете се од кучињата, пазете се од лошите работници, пазете се од лажно обрезување,

³зашто вистинското обрезување сме ние, кои со Духот Му служиме на Бога и се фалиме со Христа Исуса, и не се надеваме на телото,

⁴иако јас можам да се надевам и на телото. Ако некој друг мисли да се надева на телото, тогаш уште повеќе јас,

⁵кој сум обрезан во осмиот ден, од родот Израилев, од Венијаминовото колено, Евреин од Евреите, по закон фарисеј,

⁶по ревност — гонител на Божјата црква, според правдата на Законот — непорочен.

⁷Но тоа што беше за мене придобивка, поради Христа го сметав за штета.

⁸Затоа сметам дека и сѐ друго е штета спрема преважното познавање на Христа Исуса, мојот Господ, поради Кого се одреков од сѐ, и се сметам за отпад, само за да Го придобијам Христа

⁹и да се најдам во Него, не со својата од Законот праведност, туку со придобивката преку верата во Христа, односно со праведноста од Бога преку верата;

¹⁰за да Го познавам Него, и силата на Неговото воскресение, и учеството во Неговите страдања, грижејќи се мојата смрт да биде слична со Неговата,

¹¹та некако да го достигнам воскресението на мртвите.

¹²Велам така не затоа што веќе достигнав, или дека веќе постигнав совршенство, туку се стремам не би ли го достигнал она за кое Христос ме достигна мене.

¹³Браќа, јас не мислам дека сум го достигнал тоа; но едно правам: го заборавам она што е зад мене, а се стремам кон она што е пред мене,

¹⁴трчам кон целта — кон наградата на горното призвание од Бога во Исуса Христа.

¹⁵Ние, кои сме, пак, совршени, мислиме така; ако, пак, нешто инаку мислите, Бог и тоа ќе ви го открие.

¹⁶А по она, до кое достигнавме, да бидеме едномислени и по истото правило да следуваме.

¹⁷Подражавајте ме, браќа, мене и гледајте ги оние, што постапуваат според образецот, каков имате во нас.

¹⁸Оти мнозина, за кои често сум ви зборувал, а сега дури и со солзи говорам, постапуваат како непријатели на крстот Христов;

¹⁹нивниот крај е погибел, нивниот бог — стомакот, а славата — во нивниот срам; тие мислат за земните работи.

²⁰А нашето живеалиште е на небесата, од каде што Го очекуваме и Спасителот, нашиот Господ Исус Христос,

²¹Кој ќе го преобрази нашето понизено тело така, што тоа ќе стане подобно на Неговото славно тело, со силата, преку која што Он може и да потчинува под Себе сѐ.