Read Lamkang Исус Навин 16 Bible Online

Исус Навин 16 - Lamkang bible

Исус Навин 16

¹Потоа жребот падна на Јосифовите синови: од Јордан кај Јерихон, кон Јерихон на исток, во планинската пустиња, која се протега од Јерихон кон Ветил;

²од Ветил границата оди кон Луз и мунува кон пределот Архијатарот,

³се спушта кон морето, кон границата Јефалтимска дури до пределот Ветарон долни, па и до Газер и излегува кај морето.

⁴Тоа го добија како дел Јосифовите синови Ефрем и Манасија.

⁵Границата на Ефремовите синови според родовите нивни беше оваа: откај исток границата на нивното наследство беше Атарот и Адар до горни Веторон;

⁶потоа границата оди кон морето на север до Махтот, свртува на исток кон Тинат-Силом и минува источно од Јанох;

⁷а од Јанох, откако слегува кон Атарот и Нарат, допира до Јерихон, и селата нивни и излегува на Јерихон;

⁸од Тапфу границата оди кон морето, кај потокот Кана, и завршува кај морето. Тоа е делот на племето на синовите Ефремови, според родовите нивни.

⁹Имаше одделни градови за Ефремовите синови и во наследство на Манасеивите синови, — и сите тие градови беа со селата нивни.

¹⁰Но Ефремовите синови не ги изгонија Хананејците, кои живееја во Газер; затоа Хананејците живеат меѓу Ефремовците до денес, и им плаќаат данок. Најпосле дојде египетскот цар — Фараон, го презеде градот и со оган го изгори, а Хананејците и Ферезејците и жителите на Газер беа убиени, а Фараонот го даде пленот на ќерката своја.