Read Lamkang Исус Навин 19 Bible Online

Исус Навин 19 - Lamkang bible

Исус Навин 19

¹Вториот жреб падна за Симеона, за племето на Симеоновите синови, според родовите нивни; и наследството нивно беше меѓу делот на Јудините синови.

²Во делот нивни беа: Вирсавија и Сава, Молада,

³Асарсуал, Вал и Асем,

⁴Елтулад, и Еома,

⁵Секелаг, Вет-Маркавот, Свот и Асар-Суса,

⁶Веталват и селата негови, тринаесет градови со селата нивни;

⁷Аин, Ремот, Етер и Асам: четири града со селата нивни,

⁸и сите предградија околу тие градови дури до Ваалтерирамот, од Јамет кон Лив. Тоа е делот на племето на Симеоновите синови, според родовите нивни.

⁹Од делот на Јудините синови се оддели наследство за племето на Симеоновите синови; бидејќи делот на Јудините синови беше многу голем за нив, затоа Симеоновите синови добија наследство меѓу нивниот дел.

¹⁰Третиот дел им се падна на Завулоновите синови, според родовите нивни и границата на нивниот дел се простираше до Сарид;

¹¹границата нивна излегува кон морето и Марила и допира до Давасет и се спушта по долината, што е пред Јекнам;

¹²од Сарид оди назад кон исток, каде што изгрева сонцето до границата на Хасалот-Тавор; оттука продолжува кон Даврат и излегува кај Јафаги;

¹³оттаму минува на исток во Гетаефер, во градот Касим, и оди кон Ремон, Мафарим, Ануа;

¹⁴од север границата свртува кон Енатот и завршува во Гај Јефтаил;

¹⁵понатаму таа ги опфаќа: Катат, Налол, Семрон, Јадила, и Витлеем: дванаесет градови со селата нивни.

¹⁶Тоа е наследството на Завулоновите синови, според родовите нивни — градовите и селата нивни.

¹⁷Четвртиот жреб падна на Исахар, за Исахаровите синови, според родовите нивни;

¹⁸нивната граница беше: Језраил, Ахаселот и Сунам,

¹⁹Аферафим, Сиан и Ренат и Анахарет,

²⁰Равот, Кесион и Аеме,

²¹Рамат, Ен-Ганим, Анада и Ветфасис;

²²границата допира до Тавор, и кај Сасимат во приморјето и до Ветсмас, и завршува кај Јордан: шеснаесет градови со селата нивни.

²³Тоа е наследството на племето на Исахаровите синови, според родовите нивни — градовите и селата нивни.

²⁴Петтиот жреб падна за племето на Асировите синови, според родовите нивни;

²⁵нивна граница беа: Хелкат, Оли, Ватне, и Ахсав,

²⁶Аламелех, Амад, и Масал; границата се ближи до Кармил откај запад и со Сиор и до Лаванат.

²⁷Потоа оди назад кон исток во Вит-Дагон, допира до Завулон и оди до Гај Јефтаил на север и влегува во пределите на Асат во Бит-Аемек и Анил, и преоѓа во Хавол, од лево;

²⁸понатаму таа ги опфаќа: Арон, Роов, Амон и Кана, дури до големиот Сидон;

²⁹потоа границата се враќа кон пределот на Рама до утврдениот град Тир, свртува кон пределот Суси и завршува од Уж, кај морето, во гратчето Ахзив;

³⁰понатаму ги опфаќа: Ама, Афек и Раов: дваесет и два града со селата нивни.

³¹Тоа е делот на племето на Асировите синови, според родовите нивни — градовите со селата нивни.

³²Шестиот се фрли за Нефталим, за синовите Нефталимови, според родовите нивни;

³³Границата нивна оди од Мелев и Милон, го опфаќа Весенаим, Арме, Накев и Јавнил, дури до Лакум и завршува кај Јордан;

³⁴оттука границата свртува на запад кон Азанот-Тавор и оттаму оди кон Икок, и допира до Завулона од југ, допира и до Асир, од запад, и до Јуда кај Јордан, откај источната страна.

³⁵Утврдени градови беа: Тиријан, Тир, Амат, Рекат и Хенерот,

³⁶Адами, Рама и Асор,

³⁷Кедес, Едреј и изворот Асор,

³⁸Јарион, Магдалил, Оран, Ветанат и Тасмус: деветнаесет градови со селата нивни.

³⁹Тоа е наследството на племето на Нефталимовите синови, според родовите нивни — градовите и селата нивни.

⁴⁰За племето на Дановите синови, според родовите нивни, се фрли седмиот жреб.

⁴¹Границите на нивниот дел беа: Сара и Естаол

⁴²и градовите: Самес, Саламин и Еалон,

⁴³Јетла, Елон и Тамна,

⁴⁴Акарон и Елтеко,

⁴⁵Гаватан, Ватот и Јут,

⁴⁶Ваниварак и Гетремон, и откај морето Јеракон и Иракон со границата близу до Јопија. И делот на Дановите синови излезе мал за нив.

⁴⁷Тогаш Дановите синови кренаа војска против Ласем, го презедоа и го поразија со меч, завладувајќи го и се населија во него, и Ласем го нарекоа Ласемдан, според името на таткото свој Дан. Аморејците останаа да живеат во Елом и Саламин, но раката Ефремова ги надви и тие станаа негови поданици.

⁴⁸Тоа е наследството на племето на Дановите синови, според родовите нивни — градовите и селата нивни. Дановите синови не ги истребија Аморејците, што ги беа притиснале во гората, и тие, на Аморејците не им дозволуваа да слезат во долината, па им го одзедоа нивниот дел.

⁴⁹Откако заврши делбата на земјата, според границите нејзини, синовите Израилеви му дадоа меѓу нив населедство и на Исуса, синот Навинов:

⁵⁰по заповед на Господа му го дадоа градот Тамнат-Сарај, кого тој го побара, на Ефремовата гора; и тој си изгради град и се всели во него.

⁵¹Тоа се наследствата што свештеникот Елеазар, Исус, синот Навинов, и кнезовите на таковските племиња им ги разделија на синовите Израилеви, со жреб, во Силом, пред Господа, при влезот во Скинијата на сведоштвото. И завршија со поделбата на земјата.