Read Lamkang 1. Тимотеја 1 Bible Online

1. Тимотеја 1 - Lamkang bible

1. Тимотеја 1

¹Од Павла, апостолот на Исуса Христа, во повелба на Бога нашиот Спасител и Господа Исуса Христа, нашата надеж,

²до Тимотеја, вистинското чедо по вера. Благодат, милост, и мир од Бога Отецот наш и Христа Исуса нашиот Господ!

³Како што на тргнување за Македонија те молев да останеш во Ефес, така и сега те молам да им заповедаш на некои, да не проповедаат друго учење,

⁴ниту да се занимаваат со басни и бескрајни родословија, кои што предизвикуваат повеќе расправии, отколку распоредби Божји по верата.

⁵А целта на заповедта е: љубов од чисто срце, добра совест и нелицемерна вера.

⁶Некои, откако не ги постигнаа тие работи, се оддадоа во празнословија,

⁷сакајќи да бидат учители по Законот, но не разбираат ни што зборуваат, ниту што утврдуваат.

⁸А ние знаеме дека Законот е добар, ако се држи како што треба,

⁹знаејќи дека Законот не е установен за праведник, туку за беззаконици и непокорници, за нечестивци и за грешници, за неправедни и погани, за оние што ги опскрбуваат таткото свој и мајка си, за човекоубијци,

¹⁰за блудници, за мажеложници, разбојници, клеветници, скотоложници, лажливци, клетвопрестапници и за сѐ друго, што е противно на здравата наука,

¹¹според славното на блажениот Бог Благовестие, кое ми е поверено.

¹²Му благодарам на Христа Исуса, нашиот Господ, Кој ми даде сили, со што ме призна за верен и ми определи служба,

¹³мене, кој порано бев хулител, гонител и мачител; но ме помилува, бидејќи тоа го вршев, без да знам, во неверие.

¹⁴Но со верата и љубовта во Христа Исуса се преумножи благодатта на нашиот Господ.

¹⁵Верни се и достојни за секакво примање зборовите, дека Христос Исус дојде во светот да ги спаси грешниците, меѓу кои сум прв јас.

¹⁶Па затоа бев помилуван, за да ја покаже Исус Христос прво на мене сета долготрпеливост, како пример на оние, кои што ќе поверуваат во Него за живот вечен.

¹⁷А на Царот на вековите, на Нераспадливиот, Невидливиот, Единствен премудар Бог — нека е чест и слава во сите векови. Амин!

¹⁸Чедо Тимотеј, оваа заповед ти ја предавам според поранешните пророштва за тебе, за да се бориш согласно со нив како добар војник,

¹⁹имајќи вера и добра совест, која што некои ја отфрлија и претрпеа бродолом во верата;

²⁰меѓу нив се Именеј и Александар, што ги предадов на сатаната, за да се научат да не хулат.