Read Lamkang 1. Тимотеја 4 Bible Online

1. Тимотеја 4 - Lamkang bible

1. Тимотеја 4

¹А Духот јасно зборува дека во последните времиња некои ќе отстапат од верата, слушајќи измамливи духови и ѓаволски учења,

²преку лицемерството на оние, што зборуваат лага и имаат жигосана совест;

³кои што забрануваат да се стапува во брак и советуваат воздржување од јадења, што ги создал Бог, верните да ги јадат со благодарност и оние, што ја познаа вистината.

⁴Оти секое творение Божјо е добро и ништо не е за отфрлување, штом се прима со благодарност,

⁵бидејќи се осветува преку словото Божјо и со молитва.

⁶Кога ќе ги советуваш во ова браќата, ќе бидеш добар слуга на Исуса Христа, хранет со зборовите на верата и на доброто учење, што си го примил.

⁷Од погани и бапски приказни одбегнувај, туку обучувај се во побожност;

⁸оти телесното обучување е малку корисно, а побожноста е полезна за сѐ, бидејќи во себе има ветување за сегашниот и за идниот живот.

⁹Тие зборови се верни и достојни за секакво примање,

¹⁰затоа и се трудиме и укори трпиме, оти се надеваме на живиот Бог, Кој е Спасител на сите луѓе, а посебно на верните.

¹¹Ова препорачувај го и поучувај!

¹²Никој нека не ја презира твојата младост, туку на верните да им служиш како пример во словото, животот, љубовта, духот, верата и чистотата!

¹³Додека дојдам, занимавај се со читање, со утешување и со поучување!

¹⁴Не занемарувај ја дарбата што е во тебе, и која што ти беше дадена преку пророштво со полагање раце врз тебе од свештенството!

¹⁵Грижи се за тоа, биди во него, та успехот твој да се покаже во сѐ!

¹⁶Пази на себе и на учењето; биди постојано во тоа, оти, ако постапуваш така, ќе се спасиш и сам и оние што те слушаат.