Read Lamkang 1. Тимотеја 5 Bible Online

1. Тимотеја 5 - Lamkang bible

1. Тимотеја 5

¹Не укорувај старец, туку почитувај го како да ти е татко; помладите, пак, како да ти се браќа;

²старите жени — како мајки, младите — како сестри, со секаква чистота.

³Вдовиците почитувај ги, но вистинските вдовици.

⁴Ако, пак, некоја вдовица има деца или внуци, тие најнапред нека се научат да го почитуваат својот дом и со тоа да им се отплатуваат на родителите свои, бидејќи тоа е добро и угодно пред Бога.

⁵А онаа, што е вистинска вдовица и останала сама, таа се надева на Бога и пребива во молитви и молења дење и ноќе,

⁶но онаа, пак, што живее распуштено, таа уште при животот умрела.

⁷Порачувај им го уште и тоа, да бидат беспорочни.

⁸Ако некој не се грижи за своите, а особено за своите домашни, тој се одрекол од верата и полош е од неверник.

⁹За вдовица да се прими жена не помлада од шеесет години, и тоа таква што имала само еден маж,

¹⁰позната по добри дела; ако деца одгледувала, ако била гостољубива, нозе на светии миела; ако им помагала на пострадани и секое добро дело усрдно следувала.

¹¹А помлади вдовици не примај, оти кога ќе побеснат против Христа, ќе сакаат да се мажат.

¹²Тие потпаѓаат под суд, зашто ја отфрлиле порано дадената верност.

¹³Освен тоа, бидејќи без работа, навикнуваат да одат од куќа во куќа; и не само без работа, туку се и јазичарки, љубопитни и зборуваат што не прилега.

¹⁴И така, сакам помладите вдовици да се мажат, да раѓаат деца, да вртат куќа и да не му даваат никаков повод на противникот за хулење;

¹⁵оти некои веќе се повлекоа по сатаната.

¹⁶Ако некој верен или верна има во куќата вдовици, нека се грижи за нив, та да не се товари Црквата, за да може да пригледува вистински вдовици.

¹⁷А презвитерите, што добро ја извршуваат својата претстојна служба, нека се удостојуваат со двојна почит; а најмногу, пак, оние, кои се трудат во словото и во поуката.

¹⁸Оти Писмото вели: »Не заврзувај уста на вол, кој врши«, и »работникот ја заслужува својата плата.«

¹⁹Обвинение против презвитер не примај, освен пред двајца или тројца сведоци.

²⁰А оние што грешат, искарај ги пред сите, та и другите да имаат страв.

²¹Те заколнувам пред Бога, пред Господа Исуса Христа и пред избраните ангели да го пазиш ова без лицемерност и ништо да не правиш по пристрасност.

²²Раце на никого не полагај пребрзано, ниту, пак, на туѓи гревови да стануваш соучесник! Пази се себе чист!

²³Не пиј веќе само вода, но употребувај по малку и вино, поради стомакот и честите боледувања!

²⁴Гревовите на некои луѓе се познати и однапред ги водат на суд, а на некои по нив одат.

²⁵Исто така и добрите дела се познати; а оние што не се такви, не можат да се сокријат.