Read Lamkang Тит 1 Bible Online

Тит 1 - Lamkang bible

Тит 1

¹Павле, слуга Божји и апостол на Исуса Христа за верата на Божјите избраници и за познавање на вистината во побожноста,

²со надеж за вечен живот, што го вети вечниот Бог, Кој не лаже — пред вечни времиња,

³и во свое време го јави словото Свое преку проповедта, што ми ја повери мене по заповед на нашиот Спасител, Бога,

⁴до Тит, вистинското чедо по заедничката вера. Благодат, милост и мир од Бога Отецот и од Господа Исуса Христа, нашиот Спасител!

⁵Затоа те оставив во Крит, за да го довршиш несвршеното и во сите градови да поставиш презвитери, како што ти бев порачал:

⁶кој е непорочен, маж на една жена и има деца верни, што не се укорувани за блудство или непокорност.

⁷Бидејќи епископот, како Божји распоредник, треба да е непорочен, не гневлив, не пијаница, не тепач, не лаком за гнасна печалба,

⁸туку гостољубив, доброљубив, трезвен, справедлив, свет, воздржлив;

⁹кој се држи според вистинското слово, онака како што е научен, та да биде силен и да поучува во здравото учење, и да ги изобличува оние, кои се противат.

¹⁰Оти има и мнозина непокорни, празнословци и измамници, а особено меѓу обрезаните,

¹¹на кои треба да им се затвори устата: тие растураат цели домови, учејќи на она што не треба, поради одвратна печалба.

¹²Еден од нив, нивни пророк, беше рекол: »Критјаните се секогаш лажливци, зли ѕверови, мрзливи трбуси«.

¹³Тоа сведоштво е вистинско. Поради таа причина изобличувај ги строго, за да бидат здрави во верата,

¹⁴и да не слушаат јудејски бајки и заповеди од луѓе, кои одвраќаат од вистината.

¹⁵За чистите е сѐ чисто, а за осквернетите и неверните нема ништо чисто; ним им се осквернети и умот и совеста:

¹⁶тие зборуваат дека Го познаваат Бога, а со делата свои Го одречуваат, бидејќи се одвратни, непокорни и негодни за никакво добро дело.