Read Lamkang Тит 2 Bible Online

Тит 2 - Lamkang bible

Тит 2

¹А ти, пак, зборувај го она што се согласува со здравото учење:

²старците да бидат трезвени, целомудрени, чисти, здрави во верата, во љубовта, во трпението;

³старичките, исто така, да живеат како што им прилега на светии — да не клеветат, да не се предаваат на многу вино, да учат за добро,

⁴за да ги вразумуваат невестите да ги сакаат мажите свои и децата свои;

⁵да бидат целомудрени, чисти, добри домаќинки, благи, покорни на своите мажи, та да не се хули словото Божјо.

⁶Исто така, советувај ги младежите да бидат чесни,

⁷а во сѐ претстави се сам како образец за добри дела, покажувајќи чистота во учењето, нерасипаност, чесност:

⁸слово здраво, без укор, та да се посрами противникот, бидејќи не ќе има да рече ништо лошо за нас.

⁹Советувај ги слугите да ги слушаат своите господари, да им угодуваат во сѐ, не повраќајќи им;

¹⁰да не крадат, туку во сѐ да покажуваат добра верност, та науката на нашиот Спасител, Бога, да ја украсуваат во сѐ.

¹¹Бидејќи се јави Божјата благодат, спасителна за сите луѓе,

¹²учејќи нѐ да ги отфрлиме нечесноста и похотите од овој свет, чесно, праведно и побожно да поживееме во овој век,

¹³да чекаме да се исполни блажената надеж и да се јави славата на великиот Бог и Спасител, нашиот Исус Христос,

¹⁴Кој Се даде самиот Себе за нас, за да нѐ избави од секакво беззаконие и да нѐ очисти, та да Му бидеме народ избран, ревносен кон добри дела.

¹⁵Ова зборувај, и советувај, и изобличувај со полна власт; никој да не те презира.