Read Lamkang Евреите 3 Bible Online

Евреите 3 - Lamkang bible

Евреите 3

¹Затоа, браќа свети, учесници во небесното призвание, познајте Го Пратеникот и Првосвештеникот на нашата вера, Исуса Христа,

²Кој Му е верен на Оној, Кој Го поставил, како и Мојсеј — во целиот Му дом.

³Оти Он се удостои со толку поголема слава, отколку Мојсеевата, во колку поголема чест од домот има Оној, Кој го создал;

⁴зашто секој дом се гради од некого; а Оној, Кој создал сѐ, е Бог.

⁵И Мојсеј Му беше верен како слуга на целиот Негов дом, за да го посведочи она, што имаше да се соопшти.

⁶А Христос, како Син, е во Својот дом: Негов дом, пак, сме ние, само ако слободата и надежта, со кои се фалиме, ги запазиме до крај.

⁷Поради тоа, како што вели Светиот Дух: »Денес, кога ќе го чуете гласот Негов,

⁸да не ги ожесточите срцата свои, како кога се прогневивте во денот на искушувањето во пустината,

⁹каде што татковците ваши Ме искушаа, Ме испитаа и ги видоа делата Мои преку четириесетте години.

¹⁰Затоа се расрдив на тој род и реков: секогаш се заблудуваа во срцата свои и не ги познаа патиштата Мои.

¹¹Затоа се заколнав во Својот гнев дека нема да влезат во Мојот покој«.

¹²Браќа, гледајте, да не би во некого од вас, да има лошо срце за верата, та да отстапи од живиот Бог.

¹³Туку потсетувајте се секој ден, додека се вели: »денес«, та никој од вас да не отрпне преку измама на гревот;

¹⁴оти ние станавме соучесници на Христа. Само, како што почнавме да добиваме од Него, да останеме наполно верни до крај;

¹⁵додека се вели »денес, кога ќе го чуете Неговиот глас, да не отрпнат срцата ваши онака, како кога бевте гневни«.

¹⁶Зашто некои, откако чуја, се побунија, но не сите, што со Мојсеја излегоа од Египет.

¹⁷Против кои негодува Он четириесет години? Нели против оние, што погрешија и чии коски останаа во пустината?

¹⁸А на кои им се заколнал дека нема да влезат во Неговиот спокој, ако не на оние, што не сакаа да веруваат?

¹⁹И така, гледаме дека тие не можат да влезат поради неверието.