Read Lamkang Евреите 4 Bible Online

Евреите 4 - Lamkang bible

Евреите 4

¹Да се страхуваме пак, да не би, додека уште ни е оставено ветувањето за влегување во Неговиот спокој, некој од вас да задоцни.

²Оти и нам ни се соопшти, како и ним. Но словото, што го беа чуле, не им донесе полза, бидејќи оние, што го беа чуле, не поверуваа.

³А ние, кои поверувавме, влегуваме во Неговиот спокој, како што рекол Он: »Затоа се заколнав во гневот Свој дека тие не ќе влезат во Мојот спокој«, иако Неговите дела беа извршени уште од создавањето на светот.

⁴Оти негде за седмиот ден е речено вака: »И во седмиот ден Бог се одмори од сите Свои дела«.

⁵И на тоа место пак: »Не ќе влезат во спокојот Мој«.

⁶И така, бидејќи се предостави на некои да влезат во Него, а на оние, на кои им беше порано соопштено, не влегоа поради непослушноста;

⁷пак определи едно »денес«, велејќи преку Давида, по толку време, како што е речено погоре: »Денес, кога ќе го чуете гласот Негов, не стврднувајте ги срцата ваши«.

⁸Зашто, ако Исус Навин ги беше успокоил, Бог немаше да зборува веќе потоа за друг ден.

⁹Но, за народот Божји сѐ уште останува почивката саботна.

¹⁰Оти, кој ќе влезе во спокојот Негов, тој ќе се одмора од делата свои, како и Бог од Своите.

¹¹И така, да се погрижиме да влеземе во оној спокој, та да не би некој да падне во слична непослушност.

¹²Зашто, словото Божјо е живо и дејствува и е поостро од секаков меч со две острици; и навлегува до разделување на душата и духот, до зглобовите и мозокот, и ги проценува мислите и намерите на срцето.

¹³И нема создание сокриено за Него, туку сѐ е голо и откриено за очите на Оној, пред Кого ние ќе одговараме.

¹⁴Имајќи Го големиот Првосвештеник, Кој преминал преку небесата, Исуса, Синот Божји, ние треба да се држиме за исповедувањето на верата.

¹⁵Оти, ние немаме таков Првосвештеник, што не може да не соучествува во нашите слабости, туку таков, Кој искусил сѐ како и ние, освен грев.

¹⁶И така, слободно да пристапуваме кон престолот на благодатта, за да примиме милост и да најдеме благодат за благовремена помош.