Read Lamkang Евреите 6 Bible Online

Евреите 6 - Lamkang bible

Евреите 6

¹Затоа да го оставиме почетокот на Христовото учење и да се стремиме кон совршенство, да не полагаме пак основа на покајанието од мртви дела и на верата во Бога,

²на науката за крштавањето, за возлагањето раце, за воскресението на мртвите и за вечниот суд.

³И ова ќе го направиме, ако позволи Бог.

⁴Зашто оние, кои веднаш се просветија, вкусија од небесниот дар, станаа учесници на Светиот Дух.

⁵И, откако вкусија од добриот збор Божји и од силите на идниот век,

⁶отпаднаа — не е можно пак да бидат обновени за покајание, кога повторно во себеси го распнуваат Синот Божји и Го хулат.

⁷Оти земја, кога го впива дождот, што често паѓа на неа, и раѓа плод добар за оние што ја обработуваат, од Бога добива благослов;

⁸а онаа, што дава трње и боцки, таа е непотребна и близу е до проклетството, кое завршува со изгорување.

⁹Од вас, возљубени, ние очекуваме нешто подобро и спасително, иако така зборуваме.

¹⁰Зашто Бог не е неправеден, та да го заборави делото ваше и трудот во љубовта, што ги покажавте во Негово име, откако им послуживте и им служите на светиите.

¹¹А ние сакаме, секој од вас да ја покажува истата усрдност за одржување на полната надеж до крај,

¹²та да не станете мрзливи, туку да ги подражавате оние, кои што преку вера и трпение ги добиваат ветувањата.

¹³Бог, кога му ветуваше на Авраама, бидејќи немаше ништо поголемо, во што би се заколнал, се заколна во Себеси,

¹⁴велејќи: »Навистина ќе те благословам и преблагословам, ќе те размножам и преумножам«,

¹⁵и така, со долго трпение, тој го доби ветеното.

¹⁶Луѓето, пак, се колнат во погорно од себеси, и клетвата како потврда на секоја нивна препирка тура крај.

¹⁷Затоа Бог, кога на наследниците на ветувањето сакаше нарочно да им ја покаже Својата неизменлива волја, посведочи со клетва,

¹⁸та преку две неизменливи работи, во кои не е можно Бог да излаже, да имаме голема утеха и ние, кои што прибегнуваме да се прифатиме за надежта, што ни е дадена,

¹⁹а која е за нашата душа цврст и сигурен ленгер, и кој влегува дури зад завесата,

²⁰каде што Исус за нас влезе најнапред, откако стана вечен Првосвештеник по чинот Мелхиседеков.