Read Lamkang Судии 3 Bible Online

Судии 3 - Lamkang bible

Судии 3

¹Еве ги народите, кои не знаеја за сите ханански војни,

²само за да знаат и да се учат на војна подоцнежните поколенија на Израилевите синови, кои порано не ја знаеја:

³шест филистејски војводства, сите Хананејци, Сидонци и Евејци, кои живееја во гората Вал-Ермон до Емат.

⁴Тие беа оставени, за да биде преку нив искушан Израилот, и да се дознае, дали се покоруваат на заповедите Господови, кои Он ги беше заповедал на татковците нивни преку Мојсеја.

⁵И живееја Израилевите синови меѓу Хананејците, Хетејците, Аморејците, Ферезејците, Евејците, Гергесејците и Јевусејците,

⁶и ги земаа ќерките нивни за жени, и им ги даваа ќерките свои на синовите нивни, и им служеа на нивните богови.

⁷Синовите Израилеви извршија зло пред очите на Господа, и Го заборавија својот Господ Бог, и им служеа на Ваал и на Дубрави.

⁸Тогаш Господ се разгневи силно против Израилот, и ги предаде во рацете ѝ Хусарсатем, царот на Сириска Месопотамија, и синовите Израилеви му робуваа на Хусарсатем осум години.

⁹Потоа синовите Израилеви повикаа кон Господа, и издигнаа за синовите Израилеви спасител, кој ги избави, — Кенезовиот син Готониил, помалиот брат на Халев.

¹⁰Врз него беше Духот Господов, и тој беше судија на Израилот. Тој објави војна против Хусарсатем, и Господ го предаде во рацете негови сирискиот цар Хусарсатем и раката негов се зацврсти над Хусарсатема.

¹¹И земјата беше спокојна четириесет години, Потоа умре Готониил, Кенезовиот син.

¹²Синовите Израилеви почнаа пак да вршат зло пред Господа, и Господ му даде сила на моавскиот цар Еглон против Израилот, поради тоа што тие правеа зло пред Господа.

¹³Тој ги собра при себеси синовите Амонитски и Амаликови, па тргна и го порази Израилот, и го завладеја градот на палмите.

¹⁴И синовите Израилеви му робуваа на моавскиот цар Еглон осумнаесет години.

¹⁵Тогаш синовите Израилеви пак повикаа кон Господа, и Господ им го избра за спасител Аода, синот на Гира, Еминиев син, кој беше левак. И синовите Израилеви му испратија по него дарови на моавскиот цар Еглон.

¹⁶Аод си направи меч со две сечила, долг еден лакот, и го препаша под облеката своја на десното бедро,

¹⁷и однесе дарови на моавскиот цар Еглон, а Еглон беше човек многу дебел.

¹⁸Кога Аод ги поднесе сите дарови и ги испрати луѓето, што ги донесоа даровите,

¹⁹сам се врати од идолите, што се во Галгал, и рече: »Царе, имам тајна за теба.« Тој рече: »Потивко!« И излегоа сите, што стоеја при него.

²⁰Аод влезе при него: тој седеше во летната горна соба, што ја имаше одделено. И рече Аод: »Имам Божја порака за тебе.« Еглон стана од престолот.

²¹Кога тој стана, Аод ја подаде својата лева рака, и го зеде мечот од десното бедро и го заби во стомахот негов,

²²така што по сечилото влезе и дршката, и дебелината го покри сечилото; бидејќи Аод не го извади мечот од трбухот негов и излезе нечистотија.

²³Аод потоа излезе од собата, ја затвори вратата и ја заклучи.

²⁴Откако излезе, слугите на Еглон дојдоа и гледаа, ете, вратата на собата е заклучена, и си рекоа: — сигурно тој е надвор по потреба до летната соба

²⁵Чекаа доста долго, но откако видоа дека никој не ја отвора вратата од собата, зедоа клуч и отклучија, а таму господарот нивни лежи на земјата мртов.

²⁶Додека се чудеа, Аод избега, и никој на него не мислеше, мина покрај идолите и се спаси во Сетирот.

²⁷А штом пристигна во земјата Израилева, Аод затруби со труба во Ефремовата гора, и слегоа со него синовите Израилеви од гората, и тој тргна пред нив.

²⁸И им рече: »Одете по мене, зашто Господ Бог ги предаде непријателите ваши, Моавците, во ваши раце.« И тргнаа по него, презедоа моавски бродови на Јордан, и не пуштија никој да премине.

²⁹Тогаш убија околу десет илјади Моавци, сѐ здрави и силни, и никој не избега.

³⁰Така се смирија во оној ден Моавците пред Израилот, и земјата беше спокојна осумдесет години. И Аод беше нивни судија до својата смрт.

³¹По него дојде Семегар, син Анатов, кој уби шестотини души Филистејци со воловски остен; и тој исто така го избави Израилот.