Read Lamkang 1 Царства 5 Bible Online

1 Царства 5 - Lamkang bible

1 Царства 5

¹А Филистејците го зедоа ковчегот Божји и го пренесоа од Авен-Езер во Азот.

²Го зедоа Филистејците ковчегот Божји, го внесоа во Дагоновиот храм и го поставија до Дагона.

³На другиот ден, откако станаа Азотците рано, ете, Дагон лежи ничкум на земја пред ковчегот Господов. И го зедоа Дагона и го поставија пак на местото негово.

⁴На следниот ден, откако станаа утрината, ете, Дагон пак лежи ничкум на земја пред ковчегот Господов; главата на Дагона, обете стапала на нозете и обете дланки на рацете негови беа пресечени, секоја одделно, и лежеа на прагот; само трупот на Дагона беше останал.

⁵Поради тоа жреците Дагонови и сите други, кои доаѓаа во домот на Дагона во Азот, не стапнуваат на прагот Дагонов до ден денешен.

⁶И раката Господова се протегна врз Азотците, и Бог го порази и ги казни со лоши пликови во Азот и околните места негови, а во земјата се накотија глувци, и во градот имаше голем смут.

⁷Откако го видоа тоа Азотците, рекоа: »Да не остане ковчегот на Бога Изрилев кај нас, зашто тешка Му е раката и за нас и за нашиот бог Дагон.«

⁸И испратија, та ги собраа при себе сите филистејски кнезови и рекоа: »Што да правиме со ковчегот на Бога Израилев?« А тие рекоа: »Нека се пренесе ковчегот на Бога Израилев во Гет.« И го испратија ковчегот на Бога Израилев во Гет.

⁹Откако го пренесоа, раката Господова дојде врз градот и направи ужас мошне голем, и ги порази Господ градските жители од мал до голем, и се појавија на нив израстоци.

¹⁰Затоа тие го испратија ковчегот Божји во Аскалон. И кога ковчегот Божји дојде во Аскалон, Аскалонците извикаа и рекоа: »Го донесоа при нас ковчегот на Бога Израилев, за да ни помори нас и народот наш.«

¹¹И испратија, та ги собраа сите филистејски кнезови и рекоа: »Испратете го ковчегот на Бога Израилев; нека се врати на местото свое, за да не нѐ помори нас и народот наш.« Зашто се појави смртен страв: по целиот град раката Божја силно се протегна врз нив, откако ковчегот на Бога Израилев дојде тука.

¹²И оние, што не умреа, беа поразени со пликови, така што пискотот од градот се издигаше до небото.