Read Свето Писмо: Стандардна Библија 2006 (со девтероканонски книги) 1 Летописи 4 Bible Online

1 Летописи 4 - Свето Писмо: Стандардна Библија 2006 (со девтероканонски книги) bible

1 Летописи 4

¹Синови на Јуда: Фарес, Есром, Карми, Ор и Шовал.

²Реаја, Шовалов син, го роди Јахат; Јахат ги роди Ахумај и Лахад; од нив се родовите на Цорат.

³А ова се синовите на Етам: Јизреел, Јишма, Јидбаш, и сестрата нивна, по име Хаселелпонија.

⁴Фенуел, татко на Гедор, и Езер, татко на Хушин. Тоа се синовите на Ор, првенец Ефратов, татко Витлеемов.

⁵Ашхур, таткото на Текоа, имаше две жени: Хела и Наара.

⁶Наара му ги роди Ахузам, Хефер, Темени и Ахаштари, тоа се синовите од Наара.

⁷Синови од Хела: Зерет, Цохар, и Етнан.

⁸Коз го роди: Анув и Хасовев и родовите на Ахархел, син на Харум.

⁹Јабец беше попрочуен од своите браќа. Мајка му го нарече Јабец, велејќи: го родив со болки.

¹⁰И повика Јабец кон Бог Израелов, велејќи: „О, да ме благословеше со Твојот благослов, да ги проширеше границите мои, да беше раката Твоја со мене и да ме пазеше од зло, та да не тагувам!“ И Бог му го даде она за што молеше.

¹¹А Халев, братот на Шуха, го роди Махира; тој е татко на Ештон.

¹²Ештон го роди Бет-Раф, Пасеах и Техина, таткото на Ирнахаш; тоа се жителите на Река.

¹³Синови на Кеназ: Готониил и Сераја, синови на Готониил: Хатат и Меонотај.

¹⁴Меонотај го роди Офра, а Сераја го роди Јоав, таткото на Гехарашимците, наречени така зашто беа занаетчии.

¹⁵Синови на Халев, Јефунеов син: Ир, Ила и Наам. Син на Ила: Кеназ.

¹⁶Синови на Јехалелел: Зиф, Зифа, Тирија и Асраел.

¹⁷Синови на Езра: Јетер, Меред, Ефер и Јалон; Јетер, пак, го роди Мирјам, Шамаја и Јишбах, таткото на Ештемоа.

¹⁸А жена му, Јудејката го роди Јаред, Гедоров татко, и Хевер, татко на Сохо, и Јекутиел, татко на Заноах. Тоа беа синови на фараоновата ќерка Битија, што ја беше зел Меред.

¹⁹Синовите на жената на Одија, сестра Нахамова, беа татковци на Кеила, Гермиецот и на Ештемоа од Маахат.

²⁰Синови на Симон: Амнон, Рина, Бен-Ханан и Тилон. Синови на Иши: Зохет и синот на Зохет.

²¹Синови на Шела, син Јудин: Ер, татко на Лека и Лаада, татко на Мареша, и челадта на тие, што обработуваа висон, од Бет-Ашбеа,

²²и Јоким, и жителите на Хозев, и Јоас, и Сараф, кои имаа имоти во Моав, и Јашуви-Лахем; но тоа се дамнешни работи.

²³Тие беа грнчари, живеејќи и во Нетаим и Гедера; живееја таму кај царот, за да му работат.

²⁴Синови Симонови: Немуел, Јамин, Јарив, Зерах и Саул.

²⁵Негов син Селум; негов син Мивсам; негов син Мишма.

²⁶Синовите на Мишма: Хамуел, син негов; неговиот син Закур, неговиот син Шимеј.

²⁷Шимеј имаше шеснаесет синови и шест ќерки, но браќата негови немаа многу синови, и сиот нивни род не беше толку многуброен, како родот на синовите Јудини.

²⁸Тие живееја во Вирсавија, Молада и Хацар-Шуал,

²⁹во Билха, во Ецем, во Толад,

³⁰во Ветуил, во Хорма, во Циклаг,

³¹во Бет-Маркавот, во Хацар-Сусим, во Бет-Бириј и во Шаараим. Тоа се градовите нивни до царувањето на Давид,

³²со селата нивни: Етам, Ен-Римон, Токен и Ашан, — пет градови,

³³и сите нивни села, што беа околу тие градови до Ваал; тоа се нивните живеалишта и родословија.

³⁴А Мешовав, Јамлек и Јоша, син на Амасија,

³⁵Јоил и Јуј, син на Јошивија, син на Сераија, син Асиелов,

³⁶Елиоенај, Јакова, Јехошаја, Асаја, Адиел, Јесимиел и Бенаија,

³⁷и Зиза, син на Шифиј, син на Алон, син на Једаја, син на Шимри, син Шемаиев, —

³⁸сите овие споменати беа началници над своите родови, и домот на татковците нивни се разграни многу.

³⁹Тие одеа до Гедор и до источната страна на долината, за да најдат пасишта за стадата свои;

⁴⁰и најдоа густи и убави пасишта и широка земја, мирна и безопасна, зашто порано живееја малкумина од Хамовците.

⁴¹Па појдоа тие, запишани поименично, во дните на јудејскиот цар Езекија, па ги убија скитниците и заседнатите, што се наоѓаа таму, ги истребија засекогаш и се населија на местото нивно, зашто таму имаше пасишта за стадата нивни.

⁴²А од нив, од Симоновите синови, петстотини души отидоа кон гората Сеир; началници им беа: Пелатија, Неарија, Рефаја и Узиил, синови на Иши,

⁴³и ги убија избеганите остатоци од Амаликијците, и живеат таму и до денес.