Read Свето Писмо: Стандардна Библија 2006 (со девтероканонски книги) Ездра 10 Bible Online

Ездра 10 - Свето Писмо: Стандардна Библија 2006 (со девтероканонски книги) bible

Ездра 10

¹Додека Ездра така се молеше и исповедаше, плачејќи и лежејќи пред Божјиот дом, се собра кај него многуброен народ од Израел, мажи, жени и деца, зашто и народот плачеше многу.

²Тогаш се јави Шеханија, синот на Јехиил од потомците на Елам, и му рече на Ездра: „Згрешивме пред нашиот Бог, зашто зедовме жени од народите на таа земја, но уште има надеж за Израел за таа работа;

³да се заветуваме сега пред нашиот Бог дека ќе ги отпуштиме сите жени од другите племиња и родените од нив деца, — и нека биде по законот на нашиот Бог, и според законот нека биде.

⁴Стани, зашто ова е твоја работа, и ние сме со тебе: биди храбар и работи!“

⁵Тогаш стана Ездра и им порача на старешините над свештениците, левитите и над сиот Израел да положат заклетва дека ќе направат така. И тие се заколнаа.

⁶Стана Ездра од пред Божјиот дом и тргна кон собата на Јоханан, синот на Елијашив, и ноќеваше таму. Леб не јадеше и вода не пиеше, зашто беше наскрбен поради престапите на преселниците.

⁷И им соопштија по Јудеја и во Ерусалим на сите, што беа вратени од пленство да се соберат во Ерусалим,

⁸а на оној што не ќе дојде за три дни, ќе му се одземе имотот, по решение на началниците и старешините, целиот имот негов, а самиот тој ќе биде исклучен од заедницата на оние кои беа во пленство.

⁹И во тие три дни се собраа во Ерусалим сите жители на Јудеја и на земјата Венијаминова. Тоа беше во деветтиот месец на дваесеттиот ден од месецот. Седеше сиот народ на плоштадот пред Божјиот дом и трепереше, како поради таа работа, така и од дождот.

¹⁰Тогаш свештеникот Ездра стана и им рече: „Вие направивте престап, земајќи жени од други племиња и со тоа ја зголемивте вината на Израел;

¹¹затоа, покајте се пред Господ, Бог на вашите предци, и исполнете ја волјата Негова, одвојте се од народите на таа земја и од жените од други племиња.“

¹²Целото собрание одговори и рече со силен глас: „Како што рече, така и ќе направиме.

¹³Но народот е многуброен, и времето е сега студено, та не може да се стои на улица. Па и таа работа не е ни за ден, ниту за два, зашто ние згрешивме многу во таа работа.

¹⁴Нека се изберат заменици на началниците за целото собрание, и сите во нашите градови што зеле жени од други племиња да доаѓаат тука во определено време заедно со старешините и судиите на секој град, додека не се одврати од нас пламнатиот гнев на нашиот Бог поради таа работа.“

¹⁵Само Јонатан, синот на Асаил и Јахзеја, синот на Тиква, се спротивставија, а Мешулам и левитот Шабетај ги поткрепуваа во тоа.

¹⁶Потоа вратените од пленство постапија така. За тоа беа определени: свештеникот Ездра, началниците од секое нивно поколение, и старешините на нивните домови сите по име. Тие се собраа на заседание во првиот ден на десеттиот месец за да ја испитаат таа работа.

¹⁷До првиот ден од првиот месец го завршија испитувањето за сите што беа зеле жени од други племиња.

¹⁸Меѓу потомците на свештениците се најдоа и такви што беа зеле жени од други племиња, — од синовите на Јешуа, синот Јоседеков, и браќата негови: Маасеја, Елиезер, Јарив и Годолија;

¹⁹тие ја дадоа раката своја како ветување дека ќе ги напуштат жените свои, и дека, како виновни, ќе принесат жртва по еден овен за вината своја;

²⁰од Имеровите потомци: Ананија и Зевадија;

²¹од Харимовите потомци: Маасеа, Елија, Шемаја, Јехиил и Озија;

²²од Пашхуровите потомци: Елиоенај, Маасеја, Исмаил, Натанаил, Јозавад и Елеаса;

²³од левитите: Јозавад, Семеј и Келаја, нарекуван и Келита, потоа Петахија, Јуда и Елиезер.

²⁴Од пејачите: Елијашив. Од чуварите на вратите: Селум, Телем и Уриј.

²⁵А од Израел — од потомците на Парош: Рамија, Изија, Малкија, Мијамин, Елеазар, Малкија и Ванеја.

²⁶Од потомците на Елам: Матанија, Захарија, Јехиил, Авдиј, Јеремот и Елија.

²⁷Од потомците на Зату: Елиоенај, Елијашив, Матанија, Јеремот, Завад и Азиза.

²⁸Од потомците на Бевај: Јоанан, Ананија, Забај и Атлај.

²⁹Од потомците на Ваниј: Мешулам, Малух, Адаја, Јашув, Шеал и Јеремот.

³⁰Од потомците на Пахат-Моав: Адна, Келал, Ванеја, Маасеја, Матанија, Веселеил, Бинуј и Манасија.

³¹Од потомците на Харим: Елиезер, Јишија, Малкија, Шемаја, Симон.

³²Венијамин, Малух, Шемарија.

³³Од потомците на Хашум: Метенај, Матата, Завад, Елифелет, Јеремај, Манасија и Семеј.

³⁴Од потомците на Ваниј: Маадај, Амрам и Уел,

³⁵Ванеја, Бедеја, Келухиј,

³⁶Ванија, Меремот, Елејашив,

³⁷Матанија, Матенај, Јаасај.

³⁸Ваниј, Бинуј и Семеј,

³⁹Шелемија, Натан и Адаја,

⁴⁰Махнадевај, Шашај и Шарај,

⁴¹Азариил, Шелемија, Шемарија,

⁴²Селум, Амарија и Јосиф.

⁴³Од потомците на Нево: Јеиел, Матитија, Завад, Зевина, Јадај, Јоил и Ванеја.

⁴⁴Сите тие си беа зеле жени од други племиња, а некои од тие жени им беа родиле и деца.