Read Свето Писмо: Стандардна Библија 2006 (со девтероканонски книги) Неемија 7 Bible Online

Неемија 7 - Свето Писмо: Стандардна Библија 2006 (со девтероканонски книги) bible

Неемија 7

¹Кога ѕидот беше изграден, и ги поставија вратите, а и вратарите беа поставени на службата своја, и пејачите, и левитите,

²тогаш управувањето на Ерусалим му го доверив на мојот брат Ананија, заедно со началникот на тврдината, Ананија, бидејќи тој беше од многу други поверен и побогобојазлив,

³и им реков: нека не ги отвораат ерусалимските порти, додека не изгрее сонцето; и навечер, додека вратарите се наоѓаат тука, нека ги затвораат и заклучуваат портите. И определив стражари од жителите ерусалимски, секој на своја стража и секој спроти куќата негова.

⁴Но градот беше широк и голем, а народ во него имаше малку, и куќите не беа изградени.

⁵А мојот Бог ме вдахнови да ги соберам првенците и началниците и народот за да бидат внесени во родословниците. Па го најдов родословниот список на оние што беа дошле први; во него беше напишано:

⁶ова се жителите на земјата, кои се вратија од пленство, каде што беа преселени од вавилонскиот цар Навуходоносор и се вратија во Ерусалим и Јудеја, секој во својот град —

⁷оние што тргнаа со Зоровавел, Јешуа, Неемија, Азарија и Раамија, Нахаманиј, Мардохеј, Билшан, Мисперет, Бигвај, Нехум и Баана. Еве го бројот на народот Израелов:

⁸потомци на Парош — две илјади сто седумдесет и двајца.

⁹Потомци на Сафатија — триста седумдесет и двајца.

¹⁰Потомци на Арах — шестотини педесет и двајца.

¹¹Потомци на Пахат-Моав, односно, потомци на Јешуа и Јоав — две илјади осумстотини и осумнаесет.

¹²Потомци на Елам — илјада двесте педесет и четири.

¹³Потомци на Зату — осумстотини четириесет и пет.

¹⁴Потомци на Закај — седумстотини и шеесет.

¹⁵Потомците на Бинуј — шестотини четириесет и осум.

¹⁶Потомци на Бевај — шестотини дваесет и осум.

¹⁷Потомци на Азгад — две илјади триста дваесет и двајца.

¹⁸Потомци на Адоникам — шестотини шеесет и седум.

¹⁹Потомци на Бигвај — две илјади шеесет и седум.

²⁰Потомци на Адин — шестотини педесет и пет.

²¹Потомци на Атер, од Езекиевиот дом — деведесет и осум.

²²Потомци на Хашум — триста дваесет и осум.

²³Потомци на Бецај — триста дваесет и четири.

²⁴Потомци на Хариф — сто и дванаесет.

²⁵Жители од Гаваон — деведесет и пет.

²⁶Жители од Витлеем и Нетофа — сто осумдесет и осум.

²⁷Жители од Анатот — сто дваесет и осум.

²⁸Жители од Бет-Азмавет — четириесет и двајца.

²⁹Жители од Кирјат-Јарим, Кефира и Беерот — седумстотини четириесет и тројца.

³⁰Жители од Рама и Гева — шестотини дваесет и еден.

³¹Жители од Микмас — сто дваесет и двајца.

³²Жителите од Ветил и Гај — сто дваесет и тројца.

³³Жители од другиот Нево — педесет и двајца.

³⁴Потомци од другиот Елам — илјади двесте педесет и четворица.

³⁵Потомци на Харим — триста и дваесет.

³⁶Луѓе од Ерихон — триста четириесет и пет.

³⁷Луѓе од Лод, Хадид и Оно — седумстотини дваесет и еден.

³⁸Жители од Сенаа — три илјади деветстотини и триесет.

³⁹Свештеници: потомци на Једаја од домот на Јешуа — деветстотини седумдесет и тројца.

⁴⁰Потомци на Имер — илјада педесет и двајца.

⁴¹Потомци на Пашхур — илјада двесте четириесет и седум.

⁴²Потомци на Харим — илјада и седумнаесет.

⁴³Левити: потомци на Јешуа, и Кадмиел, од родот на Ходева — седумдесет и четири.

⁴⁴Пејачи, потомци на Асаф — сто четириесет и осум.

⁴⁵Чувари на портите: потомци на Селум, потомци на Атер, потомци на Талмон, потомци на Акув, потомци на Хатита, потомци на Шовај — сто триесет и осум.

⁴⁶Прислужници во храмот: потомци на Циха, потомци на Хасуфа, потомци на Табаот,

⁴⁷потомци на Керос, потомци на Сиа, потомци на Падон,

⁴⁸потомци на Левана, потомци на Хагава, потомци на Салмај,

⁴⁹потомци на Ханан, потомци на Гидел, потомци на Гахар,

⁵⁰потомци на Реаја, потомци на Рецин, потомци на Некода,

⁵¹потомци на Газам, потомци на Оза, потомци на Пасеах,

⁵²потомци на Бесај, потомци на Меуним, потомци на Нефушесим,

⁵³потомци на Бакбук, потомци на Хакуфа, потомци на Хархур,

⁵⁴потомци на Бацлит, потомци на Мехида, потомци на Харша,

⁵⁵потомци на Баркос, потомци на Сисера, потомци на Темах,

⁵⁶потомци на Нецијах, потомци на Хатифа.

⁵⁷Потомци на слугите Соломонови: потомци на Сотај, потомци на Соферет, потомци на Перида,

⁵⁸потомци на Јаала, потомци на Даркон, потомци на Гидел,

⁵⁹потомци на Сафатија, потомци на Хатил, потомци на Похерет-Хацеваим, потомци на Амон.

⁶⁰Сите прислужници на храмот и потомците од слугите Соломонови — беа на број триста деведесет и двајца.

⁶¹Еве ги и оние што дојдоа од Тел-Мелах, Тел-Харша, Керув-Адон и Имер, но не можеа да го кажат поколението свое и родот свој, дали се и тие од Израел:

⁶²потомците на Делаја, потомците на Товија, потомците на Некода — шестотини четириесет и двајца.

⁶³А од свештениците: потомците на Ховаја, потомците на Хакоц, потомците на Верзелиј, кој беше женет со една од ќерките на Верзелиј од Галаад и почна да се презива според нивното име.

⁶⁴Тие го бараа родословниот список, но не се најде, та затоа беа исклучени од свештенството.

⁶⁵А управителот им забрани да јадат од најсветото на жртвите, сѐ додека не се избере свештеник со урим и тумим.

⁶⁶Целото општество заедно беше четириесет и две илјади и триста шеесет души,

⁶⁷освен слугите нивни, кои беа седум илјади триста триесет и седум; и со нив пејачи и пејачки уште двесте четириесет и пет. Коњи имаа седумстотини триесет и шест, маски имаа двесте четириесет и пет,

⁶⁸камили — четиристотини триесет и пет, магариња — шест илјади седумстотини и дваесет.

⁶⁹Некои од родовските началници дадоа прилози за изградба. Управителот даде во ризницата илјада златни даријки, педесет чаши, петстотини и триесет свештенички одежди.

⁷⁰А некои од старешините дадоа во ризницата за да напредуваат работите, дваесет илјади златни даријки и две илјади и двесте мини сребро.

⁷¹Други од народот дадоа дваесет илјади златни даријки и две илјади мини сребро и шеесет и седум свештенички одежди.

⁷²И така се населија во градовите свои свештениците и левитите, и вратарите и пејачите, и народот и слугите на храмот и сиот Израел.