Read Свето Писмо: Стандардна Библија 2006 (со девтероканонски книги) Јов 37 Bible Online

Јов 37 - Свето Писмо: Стандардна Библија 2006 (со девтероканонски книги) bible

Јов 37

¹„И од тоа трепери срцето мое и се крева од местото свое.

²Чујте, чујте го гласот Негов и громот што излегува од устата Негова.

³Под целото небо се разнесува грмежот Негов, и светкавицата Негова — до краиштата на земјата.

⁴По Него гром се разгласува; грми Тој со гласот на Своето величие и не го запира, кога гласот Негов ќе се чуе.

⁵Чудно грми Бог со гласот Свој, врши големи дела, за нас недостижни.

⁶Зашто Тој му вели на снегот: — паѓај на земјата; и ситниот и крупниот дожд се во Негова власт.

⁷Тој става печат врз раката на секој човек, за да ги знаат сите луѓе Неговите дела.

⁸Тогаш ѕверот оди во прибежиштето и си останува на леглото свое.

⁹Од југ доаѓа бура, од север — студ.

¹⁰Од дувањето Божјо настанува лед: водената површина се собира.

¹¹Со влага ги полни облаците; а од облаците зрачи светлината Негова,

¹²и тие се движат по целата земја според волјата Негова, за да го извршат она што им го заповедал Тој.

¹³Тој им заповеда да отидат или за казна, или за благослов, или за помилување.

¹⁴Вслушај се во ова, Јов; стој и гледај ги чудесните дела Божји.

¹⁵Знаеш ли како Бог ги распоредува и како ѝ заповеда на светлината да болска од Неговиот облак?

¹⁶Ја разбираш ли рамнотежата на облаците, чудното дело на Најсовршениот во секое знаење?

¹⁷Како се стоплува облеката твоја кога ја успокојува земјата од југ?

¹⁸Со Него ли го распна небото, кое стои така цврсто како излеано огледало?

¹⁹Научи нѐ што да Му кажеме. Во овој мрак не можеме ништо да распознаеме.

²⁰Ќе му биде ли јавено што зборувам јас? Кажал ли некој дека Нему Му се соопштува што е зборувано?

²¹Сега не се гледа болскавата светлина во облаците, но ќе дувне ветер и ќе ги расчисти.

²²Убавото време доаѓа од север, и околу Бога убавината е преголема.

²³Седржител! Ние не Го достигнуваме. Голем е по сила, по судот и по полнотата на правосудието, но Тој никого не го угнетува.

²⁴Поради тоа нека се плашат пред Него луѓето и нека треперат пред Него сите мудри по срце!“