Read Свето Писмо: Стандардна Библија 2006 (со девтероканонски книги) Псалми 138 Bible Online

Псалми 138 - Свето Писмо: Стандардна Библија 2006 (со девтероканонски книги) bible

Псалми 138

¹Ќе Те славам Тебе, Господи, со сето срце свое и ќе Ти пеам пред ангелите Твои, зашто ги слушна сите зборови на устата моја.

²Се поклонувам пред светиот Твој храм и го славам името Твое за милоста Твоја и за верноста Твоја, зашто го возвеличи името Свое свето над сѐ.

³Во оној ден кога ќе Те повикам, услиши ме брзо, внеси бодрост во душата моја.

⁴Ќе Те прославуваат, Господи, сите земни цареви, штом ќе ги чујат зборовите од Твојата уста,

⁵и ќе воспеваат за патиштата Господови, зашто е голема славата Господова.

⁶Зашто возвишен е Господ: и понизниот го гледа, а горделивиот оддалеку го познава.

⁷Кога ќе се најдам во неволји — Ти живот ми даваш, ја пружаш раката и Твојата десница ме спасува.

⁸Господ ќе направи што е добро за мене! Твојата милост, Господи, е вечна; делата на рацете Свои не оставај ги!